Astana Hub және Өзбекстанның IT Park ынтымақтастық туралы меморандумға қол қойды
7 желтоқсанда Astana Hub және Өзбекстанның IT паркі ақпараттық технологиялар саласындағы ынтымақтастық туралы меморандумға қол қойды. Іс-шараға Astana Hub халықаралық IT-стартаптар технопаркінің бас директоры Мағжан Мәдиев, Өзбекстанның IT-Park директорының халықаралық қатынастар жөніндегі орынбасары Баходир Аюпов және Өзбекстан Республикасының Ақпараттық технологиялар және коммуникациялар министрлігінің халықаралық бөлімінің менеджері Санжар Алимов қатысты.
Келісімшарт стартаптар экожүйесін дамыту саласында тараптар арасындағы ынтымақтастықты дамытуды және достық қатынастарды нығайтуды көздейді.
Өзбекстанның IT паркі 2019 жылдың шілдесінде Ташкентте ашылды. Осы уақыт ішінде IT Park жастардың осы салаға қызығушылығын ынталандыру және халықтың компьютерлік сауаттылығын дамыту мақсатында 28 жаңа стартап, ақпараттық технологиялар саласындағы ондаған жоба, сондай-ақ тренингтер, воркшоптар мен митаптар ұйымдастыруға ықпал етті.
Осындай кездесулерді ұйымдастыру шетелдік компаниялармен және ұйымдармен әріптестік қатынастарды нығайтуға мүмкіндік береді, бұл Орталық Азиядағы IT-саланың дамуына оң әсер етеді.
Whatsapp
2397
Пікірлер 0
Кіру пікір қалдыру үшін