Өткен жылы мұнай-газ саласы үшін цифрлық экожүйені құру мақсатында Атырау қаласында Apec PetroTechnic Жоғары колледжі базасында Atyrau Hub - Халықаралық бизнес Акселератор және инновациялар орталығы ашылды.

Atyrau Hub TCO, NCOC, ҚМГ, КПО, Shell, Shlumberger және Norsec Delta Projects жетекші трансұлттық компанияларымен ынтымақтастық жүргізеді.

Atyrau Hub студенттерді қабылдауды және APEC Petrotechnic колледжіне түсу емтихандарын, FSSA және APEC training center, Tesla-tan компанияларындағы бизнес-процестерді цифрландыру процесін жүзеге асырды. Қазіргі уақытта хаб "Ембімұнайгаз"АҚ цифрландыру үшін ұсыныстар әзірлеу үдерісін жүргізеді.

Жыл сайын Atyrau Hub "Atyrau Energy Challenge" - мұнай-газ саласындағы операциялық процестердің фасилитациясына ықпал ететін жаңа идеялардың пайда болуы мен дамуын ынталандыратын бағдарламашылар, әзірлеушілер, web-шеберлер марафонын өткізеді. Бірінші шығарылым 2019 жылдың 8 қарашасында өтті. Байқау қорытындысы бойынша бірінші орынды және бас жүлде – $5 мың көлеміндегі сыйлықты "Naural Shield" компаниясының өкілі Сергей Ким алды. Ол НКОК компаниясына техносфералық қауіпсіздік саласындағы процесті автоматтандыруға қабілетті "SAFE-R" мобильді қосымшасын әзірледі. Қосымшаны іске қосу өтініш беру жылдамдығын арттыруға және ақаулықтарды жою мерзімін қысқартуға көмектеседі.

Сонымен қатар, ай сайын Atyrau Hub Talks - мұнай-газ саласының инновациялық шешімдерін талқылау үшін индустрияның үздік сарапшыларын біріктіретін алғашқы пікірталас алаңы ұйымдастырылады. Негізгі мақсаты - мұнай-газ саласындағы мәселелерді талқылау және шешу. Пікірталас шақырылған сала сарапшыларымен панельдік талқылау түрінде өтеді. Көрермендерге сұрақтар қоюға, сондай-ақ талқылауға қатысуға мүмкіндік беріледі. Іске қосылғаннан бері барлығы 2 онлайн пікірталас өткізілді. 14 тамызда "Мұнай-газды цифрландыру: жер қойнауын пайдаланушыларға арналған электрондық аукциондар" тақырыбында пікірталас өтті, іс-шара Petrocouncil.kz кеңесі және ҚР Энергетика министрлігімен бірлесіп ұйымдастырылды.

Конференцияға әлемнің 4 елінің 15 қаласынан келген тыңдаушылар қатысты. Мемлекеттік ұйымдардың өкілдері, сондай-ақ ТШО, НКОК, КПО, ҚМГ, Norsec Delta Projects сияқты жетекші салалық компаниялар және басқалары, соның ішінде университеттер, технопарктер өкілдері мен студенттер қатысты.

Қазір Atyrau Hub Creative Design Battle - мұнай-газ саласының тәжірибелі веб-дизайнерлерінің, сондай-ақ жаңадан бастаушылар мен әуесқойлар үшін ашық онлайн-жарыс өткізуді жоспарлап отыр. Осы іс-шараның көмегімен ұйымдастырушылар мұнай-газ саласының графикалық міндеттерін шешу үшін Атырау облысы мен бүкіл Қазақстанның креативті таланттарын тартуға, талантты веб-дизайнерлердің креативті қоғамдастығын және әуесқойлар мен веб-дизайн кәсіпқойларын ынталандыру үшін шығармашылық алаң құруға үміттенеді.

Сондай-ақ, Atyrau Hub Атырау облысы әкімшілігі үшін Хакатон өткізуді, мұнай-газ саласындағы стартаптар үшін акселерациялық бағдарламаны іске асыруды және Қазақстан мен әлемнің басқа технопарктерімен, акселерацияларымен және инкубаторларымен ынтымақтасуды жоспарлап отыр.