Ұйымдастырушылар мазмұнды бағдарлама дайындады. Бүгінде 3 воркшоп өтті. Бағдарлама аясында барлығы 15 дәріс, сондай-ақ трекшен-кездесулер, тәлімгерлермен консультациялар және пікірлестер қауымдастығында көптеген жұмыстар жоспарланған.

Болашақ стартаперлер үшін өткен алғашқы воркшоп - "Техпренерлік". Уақыт бағыты және мемлекеттің қажеттілігі. KBTU Business Incubator басшысы Владимир Попов техно-бизнестің өзектілігі, сондай-ақ осы келешек бағыт үшін мемлекеттік қолдау шаралары туралы айтты.

Бағдарлама шеңберінде қатысушылар MCI (Maximum Competitive Idea - бәсекеге қабілетті идея)  сатысының оң/сол тұстарымен және IT әлеміндегі трендтермен танысты, сонымен қатар бірігіп, "серпінді идея" ұғымына анықтама берді. Үшінші сабақта жаттықтырушылар стартап-жоба командасын қалыптастыру және рөлдерді бөлу бойынша өз білімдерімен бөлісіп, сәтті стартаптардың кейстерін талқылады.

«Инкубацияға біз Qfit - минуттық фитнес төлем қызметімен бірге келдік. Оның мақсаты - жаңа білім мен мотивация алу», - дейді стартаптың негізін қалаушысы Бекжан Тұрғанбаев.

 «Менің ойымша, инкубациялық бағдарлама - бұл теория мен тәжірибе арасындағы керемет тепе-теңдік. Спикерлер бізге демалуға мүмкіндік бермейді», - деп атап өтті Вадим Усольцев, "GRC Automation" стартапы.

Естеріңізге сала кетейік, инкубацияға қатысу үшін үміткерлер сарапшымен сұхбаттан өткен болатын. Сұхбат қорытындысы бойынша ең көп балл жинаған стартаптар инкубацияға қатысуға шақырылды.