Байқау нәтижесінде 2 стартап жеңімпаз атанып, өз жобаларын дамыту үшін Astana Hub-тан 1 миллион теңгеге дейін қаржыландыру алады:

• Datateam – «Жасанды интеллект қолданылатын 1414 Бірыңғай байланыс орталығына арналған шешім» номинациясының жеңімпазы. Команда жасанды интеллект негізінде чат-бот жасап шығарды, ол жергілікті тілдік модельдерді пайдалану арқылы байланыс орталығының жұмысын оңтайландырып, операторларға жүктемені азайтады және азаматтарға қазақ және орыс тілдерінде сапалы қолдау көрсетеді. Шешімнің бірегейлігі RAG (ақпаратты сұрыптауға негізделген генерация) технологиясын Qwen2 мәтін генерациясы мен BGE-M3 ендіру үшін пайдалануында, бұл мәліметтерді жаңартып, деректер құпиялығын сақтауға мүмкіндік береді.

• SmartProctor.pro – «Теориялық емтихандарды онлайн тапсыруға арналған платформаны әзірлеу» номинациясының жеңімпазы. Бұл бұлттық платформа прокторингтің көпфункционалды жүйесін ұсынады және әртүрлі сұрақ түрлерін қолдайды. Платформа қойындыларды бақылау, екінші мониторды қадағалау және бет-әлпет пен дауысты тануды қамтамасыз етеді. Прокторлар бір уақытта 30 үміткерді бақылай алады, ал жүйе студенттерді автоматты түрде бөліп, бұзушылықтар туралы есеп жүргізеді. Негізгі міндеттерге биометриялық сәйкестендіру, нәтижелерді автоматты тексеру және алаяқтықтан қорғау кіреді.

Челлендж – стартаптарды қолдауға және Қазақстандағы инновацияларды дамытуға бағытталған маңызды бастама. Барлық қатысушы тәжірибелі менторлармен жұмыс істеу мүмкіндігіне ие болып, өз жобаларын нарық талаптарына бейімдей алды.

Қазіргі уақытта жеңімпаздармен шешімдерін түрлі құрылымдарға енгізу бойынша бірлескен жұмысқа қатысты келіссөздер жүргізілуде. Технологияларды интеграциялау бойынша егжей-тегжей талдау жүргізіледі. Бұл азаматтарға қызмет көрсету сапасын жақсартуға және Бірыңғай байланыс орталығы мен басқа да салалардағы процестерді оңтайландыруға мүмкіндік бермек.