Қазақстан астанасында орналасқан Astana Hub халықаралық IT-стартаптар технопаркі де өз тарапынан стартаптар үшін де, қазірдің өзінде дамыған компаниялар үшін де бірқатар мүмкіндіктер береді. Технопаркте Қазақстаннан да, шет елдерден де үздік стартап-жобаларды, жетекші бизнес-періштелерді және венчурлық қорларды біріктіретін Invest Day атты іс-шара тұрақты түрде өткізіледі. 2021 жылы технопарк 6 іс-шара өткізді, оған Қазақстан, Өзбекстан, Қырғызстан, Ресей, Украина, Беларусь, Литва, Оңтүстік Корея, Швейцария және Ұлыбританияның стартаптары қатысты. Бұл кездесулерге Қазақстан, Ресей, Қырғызстан, Украина, Әзірбайжан, Ұлыбритания, Нидерланды, Біріккен Араб Әмірліктері, Сауд Арабиясы, Сингапур, Индонезия және Финляндия елдерінен венчурлық инвесторлар қатысты.

Сонымен қатар, 2021 жылдан бастап технопарк «Seed Money» бағдарламасы бойынша 5 000 доллардан 20 000 АҚШ долларына дейінгі сомаға ең перспективалы жобаларды қаржыландырып келеді.Қаржыны алу үшін конкурстық іріктеуден өтіп, Astana Hub мүшесі болу қажет. Қазақстаннан, ТМД елдерінен және дүние жүзіндегі IT-стартаптар MVP-ден Scale-ге дейінгі кезеңдерде қаржыландыруға өтініш бере алады. Айта кету керек, қаржыландыру Astana Hub салық режиміне қатысушылардан алынатын алымдар есебінен жүзеге асырылады.

Digital Bridge халықаралық форумы аясында жыл сайын Astana Hub Battle өтеді, онда жүздеген үміткерлердің ішінен 10 үздік қатысушы жалпы сомасы $18 000 ақшалай чектер үшін жарысады.

Сондай-ақ, Qazinnovations, Quest Ventures, Qaztech Ventures, Most Ventures және т.б. сияқты Astana Hub серіктестері қазақстандық стартаптарды тұрақты түрде қолдайтынын айта кеткен жөн: бұл гранттар мен стартап жобаларына инвестициялар. Тек 2021 жылдың өзінде Astana Hub қатысушылары жалпы сомасы 67 миллиард теңгеден астам қаржы тартты, бұл Технопарктің бүкіл өмір сүруіндегі рекордтық көрсеткіш. Мысалы, өткен жылдың қараша айында біздің қатысушы, CTOgram стартапы – қызмет көрсету станцияларын жылдам табудың бірыңғай орталықтандырылған жүйесі – халықаралық институционалдық инвесторлардан $700 000 жинады, желтоқсанда үш ірі құрылыс компаниясы Proportunity.kz платформасына бірден инвестиция салды және 1Fit қызметі Ресейде масштабтау үшін жарты миллион доллар тартты.