Байқау шартына сәйкес,  стартаптар іріктеудің 6 кезеңінен өтуі тиіс еді: өтінім беру, оны алғашқы қарау, диагностика, презентацияға жобаларды іріктеу, питч-презентация, комиссия шешімі. 

Құрамына IT-сарапшылар, венчурлік инвесторлар және Қазақстанның IT-нарығының басқа да өкілдері кірген комиссия мүшелері, соның ішінде Smart Investments директоры – Марат Толибаев, Wooppay компаниясының директоры – Александр Дорошенко, бизнес-періште – Елжан Кушекбаев, NOVARDIS – тің Орталық Азиядағы басқарушы директоры – Кемел Айтжанов, инвестор - Нұрбек Раев кірді. Олар үміткерлердің жобалары мен материалдарын қарап, таныстырылымдарды тыңдап, өз бағаларын қойды. Төменде қорытынды нәтижелер келтірілген.

Айта кетейік, байқау жеңімпаздары тегін жұмыс кеңістігі, оқыту және тәлімгерлік, 500 АТ-компаниядан тұратын инвесторлар мен қоғамдастыққа қол жеткізу, салықтық және визалық преференциялар, PR-сүйемелдеу түрінде қосымша қолдау алады. Оның орнына стартаптар үш жыл ішінде Astana Hub пайдасына өз түсімінің қосымша 1% - ын аударатын болады, сондай-ақ басқа стартаптарды дамытуға көмектеседі.

Іріктеуден өткен стартаптарды жеңісімен құттықтаймыз және алға қойған барлық мақсаттардың іске асуына тілектеспіз!