Astana Hub бас директоры Мағжан Мадиев "Қазақстан - Еуразия жүрегінен инновациялық софтлендингі" панельдік сессиясына қатысты. Кездесуде сондай-ақ АХҚО, QazTechVentures, OneWeb және Almaty Tech Garden өкілдері сөз сөйледі. Өз сөзінде Мағжан Мадиев технопарктің бірегей экожүйесі туралы айтып, 3 жыл ішіндегі жетістіктерімен бөлісті.

• Astana Hub миссиясы - жаңа бастаған стартаптардан бастап, ірі IT-компанияларға дейінгі дамудың барлық сатыларында технологиялық жобаларды қолдау болып табылады. Бүгінгі таңда 570 компания ресми түрде технопарктің резиденттері болып табылады, олардың жалпы түсім сомасы 160 миллиард теңгеден асты, - деп технопарк СЕО атап өтті.

Қазақстанда IT-мәдениетін дамыту мақсатында пайдалануға болатын сәтті кейстер туралы айта отырып, Мағжан Мәдиев 2021 жылы іске қосылған бағдарламаларды мысалға келтірді: TechOrda - бағдарламалау мектептерін қаржыландыру, Techpreneurs - it-стартаптарды үздіксіз акселерациялау, Scalerator - экспорттық акселератор, Seed Money - 20 млн теңгеге дейін тұқымдық қаржыландыру.

Өз сөзінде Технопарк басшысы Plug and Play компаниясының Қазақстандағы өкілдігімен ынтымақтастықты және акселератор аясындағы бірлескен жұмысты ерекше атап өтті.

Сонымен қатар, Мағжан Мадиев Astana Hub резиденттері үшін салық режимінің тиімді шарттарын атап өтті, соның арқасында компаниялар 15 млрд теңгеден астам үнемдеді.

Келесі панельдік сессия "Kazakhstan Tech Enterpreneurs" қазақстандық IT-кәсіпкерлікке арналды. Бір алаңда еліміздің стартап-қоғамдастығының өкілдері: Sergek жобасының негізін қалаушы Кайрат Ахметов, InVR - Алина Абдрахманова және Paqour - Амирхан Омаров кездесті.

Кайрат Ахметов Нұр-Сұлтан мен Алматы мегаполистеріндегі Sergek камераларының арқасында жолдардағы өлім-жітім мен қоғамдық орындардағы қылмыс екі есеге төмендегенін айтты. "Біз үшін бұл-ең басты көрсеткіш. Басқа да маңызды көрсеткіштер: бүгінде біз 10 млрд теңгеден астам айналымға қол жеткіздік, $ 150 млн-ға келісімшарттарға қол қойылды, компанияда 500-ден астам қызметкер жұмыс істейді".

• Онлайн және офлайн оқытуды біріктіруінде виртуалды шындық біздің шешімімізге айналды. Astana Hub-та акселерациядан өткеннен кейін, біз үлкен мотивация алып, өз өнімімізді түрлі жобаларда сынап көрдік, инвестицияларды тарта бастадық.Стартаптарды байланыстар мен арнайы артықшылықтарсыз дамытуға әбден болатыны анықталды! - деп атап өтті Алина Әбдрахманова.

Кездесуге қатысушылар инвестицияларды тарту және шетелдік нарықтарға шығу мәселелерін талқылады. Мағжан Мадиев бүгін технопаркте IT-компаниялар үшін аталған процестерді жеңілдету үшін барлық жағдай жасалатынын атап өтті.