Astana Hub бас директоры Мағжан Мадиевтің айтуынша, Tech Orda бағдарламасы Қазақстандағы бағдарламалау мектептерін қолдау және жаңа мектептерді ашуға ынталандыру мақсатында жасалған. Tech Orda бағдарламасын іске қосуға бастамашы болған Astana Hub Президент қойған жаһандық міндетті шешуге үлес қосуда.

Алғашқы пилоттық ағым 900 өтінімнің жалпы санынан қаржыландыруға ие болған 100 студентті қамтыды. Бағдарлама ресми түрде өткен жылдың қазан айында Digital Bridge форумында басталды, онда алғашқы 5 студент цифрлық даму, инновациялар және аэроғарыш өнеркәсібі министрі Бағдат Мусиннің қолынан оқуға ваучерлер алды.

Қаржыландыруға өтінімді 18 жастан 35 жасқа дейінгі барлық ниет білдірушілер, ағымдағы қызмет түрі мен кәсібіне қарамастан, IT-мамандығының студенттері немесе бағдарламашыларға қайта біліктілікті ұйғарған басқа салалардағы мамандар бере алады. Бағдарлама шеңберінде оқыту 6 айдан бір жылға дейінгі кезеңге есептелген. Осылайша, бір ваучер студенттің оқу курсынан өтуіне байланысты барлық шығындарды толығымен жабады.

2021 жылдың тамыз-қыркүйек айлары аралығында технопарк қызметкерлері бағдарламалау мектептеріне іріктеу жүргізді. Еліміздің әр өңірінен барлығы 21 өтінім келіп түсті. Нәтижесінде бағдарламаға 13 үздік ұйым қатысты, олардың ішінде 6 мектеп: Alem, Qwant, Up Skill, Animo, Code:Me және Шаг. Одан кейін Шаг және Decode мектебтерінің Алматыдағы филиалдары, сондай-ақ бір-бір мектептен Қарағанды, Шымкент, Ақтау, Семей және Орал қалаларында бар. Ұйымдастырушылардың айтуынша, мектептерді іріктеудің басты өлшемдері жұмыс тәжірибесі мен тиімділігі, яғни жұмысқа орналасқан түлектердің пайызы, сондай-ақ олардың табыс деңгейі болды. Жақында жұмыс істеп жатқан, бірақ өзінің келешегін дәлелдеген мектептер де бағдарламаға қатысу мүмкіндігіне ие болды.

Курс бағдарламасы Astana Hub айналысатын барлық басым секторларды қамтиды. Бұған веб-әзірлеу, 3D дизайн, бағдарламалық жасақтама және аппараттық құрал жасау және тағы басқалар кіреді. Оқыту әдістемесін, силлабусты мектептердің өздері әзірлейді. Оқыту мемлекеттік және орыс тілдерінде жүргізіледі.

Студенттерді іріктеу жағдайларына келетін болсақ, олар әртүрлі болды, өйткені көптеген тәжірибелі мектептердің өз өлшемдері бар. Мысалы, Qwant мектебі тек ағылшын тілін меңгерген студенттерді таңдайды, ал Decode мектебі сұхбаттасу кезінде логикаға тесттер өткізеді, өйткені әзірлеуші үшін аналитикалық Дағдылар мен логика өте маңызды.

Қазақстанда және шет елдерде трендтерді ұстанатын және "Women in IT" немесе "Women in tech" сияқты арнайы бағдарламаларды әзірлей отырып, қыздарды оқытуды танымал ететін мектептер саны артып келеді. Бұл бағдарламалау әлеміне көбірек қыздардың келіп, өздерінің стартаптарын іске қосуына байланысты.

Astana Hub бағдарлама кураторы ретінде бағдарламаның ашықтығы мен іске асырылу сапасын қадағалайды. Қаржыландыруды алған және оқуды бастаған сәттен бастап мектептер студенттердің үлгерімі туралы ай сайынғы есептерді жібереді. Ұйымдарды екінші лекке іріктеу кезінде технопарк алынған білімнің сапасын және жұмысқа орналасқан түлектердің пайызын ескеретін болады. Өз тарапынан технопарк болашақ бағдарламашыларды тек стартаптарда ғана емес, сондай-ақ Қазақстанның ірі IT-компаниялары мен корпорацияларында да жұмысқа орналастыруға жәрдем көрсететін болады. 2025 жылға қарай бағдарламаның арқасында 20 мың IT-маманды оқыту жоспарлануда.