Technowomen технологиялық салалардағы әйелдерді қолдаудың белсенді қозғалысына қатысушылар цифрлық экономикаға көшудің маңыздылығын және онымен ашылатын мүмкіндіктерді атап өтті.

Сессия модераторы, БКБ атқарушы директоры Әсем Нұрғалиева да ШОБ субъектілерінің 80%-ға жуығы әлсіз немесе мүлдем технологиялық емес болып саналатындығымен бөлісіп, дегенмен бұл Қазақстан экономикасында әртүрлілікті енгізудің негізі болып табылатындығы туралы мәліметтермен бөлісті. 

«Егер біз баламалы ШОБ-тер атышулы кванттық секіріс жасайды деп ойласақ, біз ойша артта қалдық деген сөз. Ірі корпорациялардың цифрлық қызметтерін пайдалануға дағдыланған тұтынушы бұдан былай ШОБ-тың төмен технологиялық бизнес үлгілерін қолдана алмайды. Бұл әйелдер үшін жақсы мүмкіндік», - деді ол.

Мәселен, ШОБ секторындағы компания басшыларының 43%-ы әйелдер, оның ішінде 52,57%-ы жеке кәсіпкерлер.

Сонымен қатар, цифрлық экономикаға байланысты жаңа тауашалар маржасы төмен салаларда жұмыс істейтін әйелдердің 56% дерлік табысын арттырады. «Цифрлық трансформация» қоғамдық қорының жетекшісі Азиза Шөжеева атап өткендей: «Еліміздегі басшылық қызметтегі әйелдердің орнын күшейтіп, шешім қабылдау жүйесіндегі әйелдер үлесін арттыру қажет. Бұл үшін қазірдің өзінде әйелдердің квазимемлекеттік және мемлекеттік сектордың Директорлар кеңесіне қатысуы үшін арнайы 30% квоталар бекітілген. Бұл норма 1,5 мыңнан астам білікті әйелдердің кадрлық әлеуеті бар 500-ден астам ұйымға қатысты болады».

Корпоративтік басқару институтын дамытудағы және инвестициялық тартымдылықты арттырудағы әйелдердің әлеуеті тақырыбын инвестициялық банкир Әсем Кенжебек жалғастырды: «Тек халықаралық үкіметтік ұйымдар ғана емес, шетелдік инвесторлар да компаниялардың бақылаушы және атқарушы органдарында әйелдердің болуы туралы талаптарды енгізуде. Мысалы, Гонконг қор биржасында листинг үшін құрамда әйелдердің болуы туралы қатаң талап бар, әйтпесе жоба листингтік комиссиядан өтпейді. Және бұл гендерлік теңдік орын алды деген сөз емес, бұл әйелдердің жауапкершілігі жоғары  деген сөз".

Сондай-ақ, талқылау аясында әйелдердің IT-технологиясын дамытудың тауашасы ретінде IT саласындағы кадр тапшылығы тақырыбы көтерілді

«Қазақстандағы IT-компаниялар атап өткен IT мамандарының жетіспеушілігі мансабын жаңадан бастағандар үшін ғана емес, сонымен қатар мамандығын өзгерткісі келетін әйелдер үшін де «АТ-ке түсуге» мүмкіндік береді. Жұмыс орындарын әртараптандыратын компаниялардың табыс деңгейі 21% жоғары» – деп атап өтті сессия спикері, Documentolog бас директорының орынбасары Мәдина Дусмағамбетова.

Қазақстандағы гендерлік риторика бірте-бірте жүйелі арнаға өтуде.

Естеріңізге сала кетейік, Астанада Digital Bridge халықаралық форумы өтті.  Биылғы жылы форумның іскерлік бағдарламасы 45 панельдік сессиядан тұрады. Онда Технопарктер көрмесі, IT-стартаптар аллеясы, IT-мектептер көрмесі , IT бос орындар жәрмеңкесі, Astana Hub Battle байқауы сияқты іс-шаралар ұйымдастырылды.

Форум ұйымдастырушылары – Қазақстан Республикасының Цифрлық даму, инновациялар және Аэроғарыш өнеркәсібі министрлігі, Астана қаласының әкімдігі және IT-стартаптардың халықаралық технопаркі Astana Hub.

Форумның бас демеушісі – Kaspi.kz. Форумның демеушілері мен серіктестері -  Қазақтелеком, Freedom bank, Теңізшевройл, MyCar, Tech culture, Huawei, G42, Halyk Bank, Bigroup, Prime source, Glovo, SF, Leica, BI Group, OneWeb, Citix.