«ҚР Президентінің тапсырмаларын іске асыру аясында цифрлық даму, инновациялар және аэроғарыш өнеркәсібі министрлігі 2023 жылдың сәуір айында бірлескен кеңес өткізіп, оның қорытындысы бойынша жұмыс тобы құрылған болатын. Жұмыс тобы ҚР Парламенті Сенаты мен Мәжілісін автоматтандыру бойынша ағымдағы жағдайды зерттеді. 2023 жылдың соңына дейін Мәжілістің, Парламент Сенатының бұлтты құжат айналымын ақпараттық жүйеге ауыстыруды жүзеге асыру жоспарланған. Қазіргі уақытта «Е-заңнама» модулі әзірленуде, ол заң жобаларын қадағалауға, іске асыруға және әзірлеуге мүмкіндік береді. Сонымен қатар, 2024 жылы Парламенттің кадр саясаты процестерін автоматтандыруға мүмкіндік беретін «Е-қызмет» ақпараттық жүйесін масштабтау жоспарланған. ЦДИАӨМ биліктің өкілді тармағын цифрландыру жөніндегі жұмыс тобының құрамындағы жұмыстарды жалғастыруда», - деді Әсет Тұрысов.

Еске салайық, 12-13 қазанда Қазақстанның астанасында Орталық Азиядағы ең ірі   IT-форум - Digital Bridge 2023 өтті. Форумның басты тақырыбы - Artificial and Human Intelligence: The right balance.

Форумның екі күндік бағдарламасы ауқымды шараларды қамтыды: ҚР Мемлекет басшысының қатысуымен өтетін пленарлық отырыс және one-to-one кездесулер, шетелдік спикерлермен 30-дан астам панельдік сессия, келісімдерге қол қою, Google for Startups іс-шаралары, Digital Bridge Awards марапаттау рәсімі, стартаптар Аллеясы, Astana Hub Battle ірі стартаптар додасы, сонымен қатар корпорациялар, робототехника, IT-мектептер, VC Zone, аймақтық IT-хабтар көрмесі және ірі IT-компаниялардың вакансиялар жәрмеңкесі өтті.

Digital Bridge ұйымдастырушылары – Қазақстан Республикасының Цифрлық даму, инновациялар және аэроғарыш өнеркәсібі министрлігі, Астана қаласының әкімдігі және Astana Hub халықаралық технопаркі. Бас демеуші - Kaspi.kz. Демеушілер мен серіктестер - Freedom bank, Visa, Yandex, Citix, Ozon, ТТС, Halyk, Eurasian bank, BI Group, Allur, Bereke bank, Huawei, Mycar, Kazakhtelecom, Kcell, Tele2, Altel, Beeline, ҚазМұнайГаз, Qazaqgaz, Битрикс 24, QIC, KDSS, 7Generation, Binance.