Технологиялар әлемі күн сайын қарқынды түрде өзгеруде. 2025 жылы IT саласы бұрынғыдан да сұранысқа ие болып, мыңдаған жаңа маманға есігін ашады. Дегенмен, бағыттардың сан алуандығы арасында адасып кету оңай. IT саласына қалай дұрыс қадам жасауға болады және уақытыңызды зая кетірмеу үшін не істеу керек? Осы сұрақтарға бірге жауап іздейік.

1-қадам. Мақсатыңызды анықтаңыз

Алдымен өзіңізге бірнеше маңызды сұрақ қойыңыз:

            •           Сізге қандай бағыт қызықты? Бағдарламалау, дизайн, деректерді талдау немесе жобаларды басқару?

            •           Программалау үйренуге дайынсыз ба, әлде шығармашылық пен коммуникация сізге жақын ба?

            •           Оқуға қанша уақытыңызды арнай аласыз?

IT саласындағы бағытыңызды анықтау сіздің қызығушылығыңыз бен дағдыларыңызға байланысты. Егер логикалық тапсырмаларды шешу ұнаса, бағдарламалауға назар аударыңыз. Ал егер сіз визуалист болып, креативпен айналысқанды ұнатсаңыз, графикалық дизайн немесе UX/UI дизайнын қарап көріңіз.

2-қадам. Сұранысқа ие бағытты таңдаңыз

2025 жылы IT саласындағы ең танымал және перспективалы бағыттар:

            •           Жасанды интеллект және машиналық оқыту — ақылды жүйелерді әзірлеу.

            •           Веб-әзірлеу — сайттар мен қосымшаларды жасау.

            •           Деректерді талдау — үлкен деректер негізінде шешімдер іздеу.

            •           UX/UI дизайн — пайдаланушылардың өніммен жұмысын жақсарту.

            •           Киберқауіпсіздік — деректер мен жүйелерді қорғау.

Бұл бағыттардың әрқайсысы жыл сайын дамып келеді және мамандарға сұраныс артуда. Мысалы, Python және машиналық оқыту саласындағы білім жасанды интеллект пен деректер ғылымы бағыттарында үлкен мүмкіндіктер ашады.

3-қадам. Сапалы білім беретін орталықты таңдаңыз

Білімді әртүрлі жолмен алуға болады: өз бетінше оқу, онлайн курстар немесе арнайы мектептер арқылы. Егер сіз заманауи нарық талаптарына сәйкес практикалық дағдыларды тез үйренгіңіз келсе, тәжірибеге бағытталған бағдарламаларды таңдаған жөн.

Tech Orda бағдарламасы Қазақстанда IT мамандарын даярлауға белсенді түрде көмектеседі. Бағдарлама серіктестері арасында қазіргі заманғы технологияларға негізделген практикалық білім беретін мектептер бар. Мысалы, Alpha Education мектебінде студенттер Python, веб-әзірлеу, UX/UI дизайн және басқа да танымал бағыттарды меңгере алады. Бұл бағыттар тек жергілікті ғана емес, халықаралық деңгейде де сұранысқа ие.

4-қадам. Алғашқы күннен бастап тәжірибе жасаңыз

Оқу — тек жолдың жартысы. IT саласына кіру үшін мүмкіндігінше көп тәжірибе жинау қажет. Тапсырмаларды орындап, хакатондарға қатысып, жобалар жасаңыз. Мысалы, алғашқы қарапайым веб-сайт, Python-да жасалған Telegram-бот немесе шағын дизайн-жоба сіздің портфолиоңыздың негізі бола алады.

Тәжірибе тек білімді нығайтып қана қоймай, жұмыс берушілердің көзіне түсуге көмектеседі. Жұмыс берушілер сертификаттан гөрі, нақты жобаларды көрсете алатын мамандарды іздейді.

5-қадам. Портфолио дайындап, жұмыс іздеуді бастаңыз

IT саласында өзіңіздің қабілеттеріңізді көрсету маңызды. Тіпті сіз жаңадан бастаушы болсаңыз да, 2–3 шағын жоба портфолиоңыздың негізі бола алады. Мысалы:

            •           Қарапайым қосымшалар немесе веб-сайттар.

            •           Деректерді визуализациялау.

            •           Қиялыңыздағы өнімдерге арналған интерфейстердің дизайны.

Портфолио жасаған соң, тағылымдамалар мен junior-лауазымдарды іздей бастаңыз. 2025 жылы көптеген компаниялар мотивациясы бар және негізгі дағдыларды меңгерген қызметкерлерді жұмыс барысында оқытуға дайын.

Неліктен қазірден бастау керек?

IT мамандарына деген сұраныс тек арта береді. Мысалы, аналитиктердің мәліметінше, әлемдік IT нарығы жыл сайын 7–10%-ға өсуде, ал Қазақстан цифрландыруды түрлі салаларда белсенді енгізуде. Tech Orda сияқты бағдарламаларға қатысу тек білім алуға ғана емес, жетекші компанияларда мансапты бастауға мүмкіндік береді.

Бүгіннен бастап, сіз бір жылдан кейін сұранысқа ие маман болып, қызықты жобалармен айналысатын жұмысқа орналасу мүмкіндігіне ие боласыз.

IT — бұл жасыңызға, тәжірибеңізге немесе біліміңізге шектеу қоймайтын сала. Бастысы — білім алуға және оны практикада қолдануға деген ұмтылыс. Егер сіз технологиялар саласында мансап туралы армандайтын болсаңыз, алғашқы қадамды қазір жасаңыз.

#TechOrda2024 #AstanaHub #AlphaEducation