Бағдарлама сыйақы алудың икемді шарттарын ұсынады. Жаңа клиент ServerCore қызметтері үшін айына 2 500 000 млн теңгеге дейін шығындалған кезде, серіктес ай сайын жұмсалған қаражаттың 10%-ын алатын болады. Егер қызметтердің құны осы сомадан асып кетсе, төлемдер 15%-ға дейін өседі. Қаражат, шақырылған қатысушылар ServerCore қызметтерін пайдаланған барлық уақыт бойы төленеді. Серіктес бағдарламаға жаңа клиенттердің шексіз санын тарта алады және әрқайсысы үшін сыйақы ала алады.

Бағдарлама компанияның барлық қолжетімді инфрақұрылымдық және платформалық қызметтеріне қатысты қолданылады. Ол заңды және жеке тұлғаларға қолжетімді, ал серіктеске жаңа клиентті шақырудан басқа ешқандай қосымша әрекет жасаудың қажеті жоқ – ServerCore мамандары ІТ-инфрақұрылымды теңшеумен және сүйемелдеумен өздері айналысады.

Жаңа бағдарлама digital агенттіктеріне, бағдарламалық жасақтама мен ақпараттық жүйелерді әзірлеушілерге, интеграторларға, сондай-ақ қосымша табыс табуға мүдделі басқа компаниялар мен жеке тұлғаларға аса қызықты болады. Алынған қаражатты ServerCore қызметтерін төлеу үшін де, жеке шотқа аудару үшін де пайдалануға болады.

Сергей Бобко, Қазақстандағы ServerCore бизнесін дамыту жөніндегі менеджер:

«Қазақстанда түрлі салаларды цифрландырудың белсенді процесі жалғасуда. Компаниялардың бұлтты қызметтерге және IT-инфрақұрылыммен байланысты бейінді емес тапсырмаларды мамандандырылған провайдерлерге табыстауға деген қызығушылығы жарқын трендтердің біріне айналуда. Мәселен, 2023 жылы бұлтты сервистерге жұмсалған шығыстар Қазақстандағы ең жылдам өсіп келе жатқан ІТ-шығыстар санатына айналып, IDC деректері бойынша жалпы IT шығындарының 8,2%-ын құрады. Бұлттардың көптеген артықшылықтары бар, соның ішінде, олар IT-инфрақұрылымды жылдам масштабтауға және цифрлық сервистерді нарыққа шығару уақытын азайтуға мүмкіндік береді. Осының аясында, біз Қазақстандағы бизнестің бұлтты шешімдерге деген қызығушылығы арта береді деп күтеміз. Бұлтты нарықтың өсуін ескере отырып, ServerCore бағдарламасы серіктестеріміз үшін тұрақты табыс көзі бола алады».

ServerCore серіктестік бағдарламасының шарттары туралы көбірек білу және тіркелу үшін келесі сілтеме арқылы өтіңіз.

ServerCore компаниясы туралы

Servercore — жергілікті қатысуы бар халықаралық премиум IT-инфрақұрылым провайдері. 2021 жылдан бері компания бизнеске технологиялық өсімі серпінді елдеріндегі (Қазақстан, Өзбекстан және Кения) пайдаланушыларға сервистер ұсынуға көмектеседі.

ServerCore бизнесті инфрақұрылымға қызмет көрсетудің барлық кезеңдерінде қолдайды — IT жүйелерін жобалаудан және серверлерді таңдаудан бастап басқаруға, масштабтауға және есептілікті жүктеуге дейін. Мұның бәрі — my.servercore.com басқару панелінің бірыңғай интерфейсінде.

ServerCore Орталық Азиядағы ең ірі инновациялық хаб – Astana Hub халықаралық технопаркінің, сондай-ақ Өзбекстандағы ақпараттық технологияларға қызығушылықты ынталандыру және перспективалы стартап-жобаларды қолдау үшін құрылған IT Park резиденті болып табылады. Толығырақ: servercore.com сайтында