2024 жылдың 5 тамызында Өскемен қаласында «TechnoWomen» коммерциялық емес ұйымы «TechnoWomen Ust-Kamenogorsk: How to make a living using AI?» атты ауқымды және жарқын тренинг өткізді, оған 150-ден астам қыздар мен әйелдер қатысты. Қатысушылар дата-талдау, бизнес құру, шағын және орта бизнестің цифрлық трансформациясы бағыттары бойынша тегін білім алып, жобаларын қазіргі заман талаптарына бейімдеуді және мансаптық өсу үшін жасанды интеллектті қалай пайдалану керектігін үйренді.

Негізгі сәттердің бірі Oskemen Hub аймақтық менеджері Дидар Мұратұлының сөзі болды. Ол өңірдегі стартаптар мен инновацияларды қолдау, сондай-ақ хабтың кәсіпкерлерге арналған мүмкіндіктері туралы айтты. Oskemen Hub жас бизнес өкілдеріне нарықта орнығып, өсуге көмектесу мақсатында белсенді түрде іс-шаралар мен менторлық бағдарламаларды ұйымдастырады.

Тренинг өз бизнесін бастауды ғана емес, сонымен қатар жаңа технологиялар мен жасанды интеллектті пайдалана отырып, өңір экономикасының дамуына елеулі үлес қосуға ұмтылатын әйелдер үшін бірегей мүмкіндікке айналды.