Технологиялар барлық салаларда ойын ережелерін өзгертуде, соның ішінде қорғаныс саласында. Astana Hub бас кеңсесінде өткен соңғы Defense Tech «Sapaly Sana» хакатоны қауіпсіздік саласындағы инновациялық шешімдерді іздеуге арналған ең үздік әзірлеушілерді, студенттер мен IT-компанияларды жинады. Жүлдегерлердің бірі – Data Science Academy студенті және Tech Orda бағдарламасының қатысушысы Жәнібек. Біз онымен DSA-да оқу оның жетістігіне қалай әсер еткені, команда қандай қиындықтарға тап болғаны және Қазақстандағы жас әзірлеушілер үшін қандай болашағы бар екені туралы сөйлестік.

«Data Science Academy маған команданың жеңіске жетуіне көмектескен технологияларды үйретті»

— Жәнібек, хакатонда жүлделі орын алғаныңызбен құттықтаймыз! Өзіңіз және командаңыз туралы аздап айтып беріңіз.

Рахмет! Менің атым Жәнібек, жасым 19, Al-Farabi атындағы Қазақ ұлттық университетінің 3-курс студентімін, мамандығым – Компьютерлік инженерия. Хакатонға ATU студенттерінен құралған командамен қатыстым, мені сол жерде оқитын досым шақырды.

— Қандай тапсырма таңдадыңыздар және шешіміңіз қандай болды?

Біз «Жасанды интеллект негізінде критикалық инциденттердің алдын алу шешімі» жобасымен жұмыс істедік. Идеяның мәні – әскери қызметшінің моральдық жағдайын компьютерлік көру арқылы талдау. Сарапшы солдаттың фотосын жүктейді, біздің жүйе эмоцияларды анықтап, нәтижені түсінікті түрде береді. Бұл командирлерге жеке құрамның психологиялық жағдайын бақылауға көмектеседі.

— Қандай технологияларды қолдандыңыздар?

Біз эмоцияларды талдау үшін DeepFace қолдандық, ал нәтижелерді түсіндіру үшін Gemini пайдаландым. Фронтенд пен бэкенд арасындағы байланысты қамтамасыз ету үшін FastAPI қолдандық.

— Даму процесінде қандай қиындықтар туындады?

Ең қиын нәрсе – фронтендті интеграциялау болды. Кейде стильдер жойылып кетіп, кейде суреттер жүктелмей жатты. Бірақ соңында бәрін шешіп, жүйенің жұмысын қазылар алқасына көрсете алдық.

Data Science Academy-да оқудан хакатонға дейін

— Data Science Academy-да оқу хакатондағы жетістігіңізге қалай әсер етті?

Data Science Academy (DSA) мен үшін шешуші фактор болды. Machine Learning, Computer Vision және Data Analytics курстары мені хакатонда пайдалы болған негіздермен таныстырды. DSA-да тамаша оқытушылар, өзекті материалдар және ыңғайлы платформа бар. Ең бастысы – практикалық формат, мұнда біз тек теорияны емес, білімді нақты жобаларда қалай қолдануды үйренеміз. — Сіз сондай-ақ Tech Orda бағдарламасының қатысушысысыз. Бұл бағдарлама даму жолында қалай көмектеседі?

Tech Orda – жас мамандар үшін керемет мүмкіндік. Бағдарлама нетворкинг, менторлық және нақты жобаларға қолжетімділік береді. Бұл бағдарламада мен тамаша әзірлеушілермен таныстым және жобамды дамытуда қолдау алдым.

Жобаның болашағы мен жаңа бастаушыларға кеңестер

— Бұл жобаны ары қарай дамыту жоспарында бар ма?

Иә, оны диплом жұмысымның тақырыбы ету ойымда бар. Жобаның нақты жағдайда қолданылу мүмкіндігі бар.

— Хакатон туралы қандай әсер алдыңыз?

Тек қана оң әсер! Бұл үлкен тәжірибе болды. Басқа командалардың шешімдерін көру, әсіресе ірі IT-компаниялардың жобаларын көру қызықты болды.

— Қандай басты сабақ алдыңыз?

Жаңа нәрсені сынаудан қорықпау керек. Мен хакатонға алғаш қатысқанда өзімді басқа қатысушылардан әлсіз деп ойладым. Бірақ біз 3-орын алдық, және мен түсіндім: бәрі бірдей адамдар, тек тәжірибесі әртүрлі.

— Хакатонға қатысуға күмәнданатын әзірлеушілерге қандай кеңес берер едіңіз?

Просто қатысыңыздар! Тәжірибеңіз аз болса да, бұл сізге жаңа білім, байланыстар және сенім береді. Хакатондар сізге осы сала сізге сай келетінін түсінуге көмектеседі және сіздің карьераңыздың бастамасы бола алады.

— Интервью үшін рахмет! Жобаның дамуына табыс тілейміз!