Қазақстандық Нұргүл Сатмағамбетова, Президент Іс басқармасының Инженерлік-техникалық орталығының Стратегиялық ілгерілету және PR бөлімінің басшысы, WITSA Global Awards 2025 халықаралық сыйлығының Best of Country Kazakhstan аталымында жеңімпаз атанды.

Марапаттау рәсімі кеше Тайбэйде (Тайвань) WITSA Global AI Summit 2025 аясында өтті. Бұл - жасанды интеллект пен цифрлық технологияларға арналған әлемдегі ең ірі форумдардың бірі. Жеңімпазға марапатты Дүниежүзілік ақпараттық технологиялар және қызметтер альянсының (WITSA) төрағасы Дато’ д-р Шон Си табыстады.

«Мен үшін Қазақстанды осындай беделді халықаралық алаңда таныстыру - үлкен мәртебе. Бұл сыйлық алға ұмтылуға, жаңа белестерді бағындыруға шабыт береді», – жеңімпаз атап өтті.

WITSA Global Awards - ақпараттық-коммуникациялық технологиялар саласындағы ең беделді халықаралық сыйлықтардың бірі. Ол Дүниежүзілік ақпараттық технологиялар және қызметтер альянсы (WITSA) тарапынан тағайындалады және жаһандық технологиялық индустрияның дамуына елеулі үлес қосқан тұлғаларға, ұйымдарға және жобаларға беріледі.  

Нұргүл Сатмагамбетованың мемлекеттік сектордағы цифрлық трансформация және жобаларды басқару саласында 15 жылдан астам тәжірибесі бар. Ол «Электрондық үкімет» (EGOV), «Электрондық лицензиялау», «ХҚКО ЫАЖ», «ӘҚББТ» және басқа да жобаларда жұмыс істеген.