2024 жылғы 1 шілдеде Astana Hub стартаперлерге арналған co-living кеңістігі – Startup House-тың есігін айқара ашты. Бұл – инкубациялық және білім беру бағдарламаларының қатысушыларына арнап жасалған ерекше орын. AI’preneurs, Silkway Accelerator, Astana Smart City Accelerator сияқты бағдарламалардың қатысушылары алғашқы тұрғындар қатарында болса, co-living ашылғаннан бері мұнда 100-ден астам адам тұрақтады.

Startup House – бұл жай ғана тұрғын үй емес, жайлы өмір сүріп, өнімді жұмыс істеуге қажет жағдаймен жабдықталған алаң.

● Жайлы тұрғын-жай: бір және екі адамдық бөлмелер барлық құрал-жабдықпен қамтылған.

● Ортақ аймақтар: көрнекі демалыс орындары жұмсақ дивандармен, пуфтармен, теледидарлармен және үстел ойындарымен жабдықталған. Бұл – нетворкинг пен демалысқа арналған тамаша орын.

●  Заманауи инфрақұрылым: әр қабатта кең ортақ асүйлер, кәсіби тазалау қызметі, жабдықталған кір жуатын орындар бар.

●  Ыңғайлы мекенжай: Astana Hub инновациялар орталығы мен дамыған инфрақұрылым тиіп тұр.

Startup House басқа қалалар мен елдерден келген стартаперлер мен инкубациялық бағдарламалардың қатысушыларына тегін тұрақтау мүмкіндігін ұсынады. Сондай-ақ co-living кеңістігіне АКТ саласында жұмыс істейтін кез келген адам ақылы негізде қоныстана алады.