Бағдарлама Upwork және басқа да халықаралық нарықтарда клиенттерді тарту және сату дағдыларын дамытуға бағытталған. Қатысушылар 8 дәрістен, 14 мастермайндтан, 50-ден астам стратегиялық сессиядан тұратын қарқынды курстан өтіп, трекерлер мен сарапшылардан жеке қолдау алды. Бұл тәжірибе оларға клиент табудың және халықаралық деңгейде мәмілелер жасаудың тиімді әдістерін меңгеруге мүмкіндік берді.

"Екінші лектің жарқын мысалдарының бірі — DilyaSoft.pro компаниясы. Олар бастапқыда америкалық клиентпен $1,200 көлемінде келісімшарт жасасып, автокөлік брокерлері үшін CRM прототипін сәтті әзірлеу арқылы бұл соманы $500,000-ға дейін ұлғайтты. Kurmashev Studio компаниясы келісімшартқа небәрі төрт минут ішінде қол қойып, рекорд орнатты, ал Maxinum Consulting компаниясы Google Apps Script автоматтандыру саласын таңдап, $160,000 сомасында келісімшарт жасасты. Бұл мысалдар қазақстандық IT-компаниялардың халықаралық аренада үлкен сұранысқа ие екенін дәлелдейді," — деді Astana Hub бас директоры, Мағжан Мәдиев.

Айта кетейік, 2023 жылы Global Outsourcer бағдарламасының алғашқы легінің қатысушылары 27 елдің клиенттерімен АҚШ, Канада, Еуропа, Түркия және Австралия сияқты нарықтарда өз позицияларын нығайта отырып, жалпы сомасы $158 000-нан асатын 69 келісімшартқа қол жеткізген болатын.

Global Outsourcer 2.0 бағдарламасы қазақстандық IT-компаниялардың жоғары бәсекеге қабілеттілігін және олардың жаһандық аренада одан әрі кеңеюге дайын екендігін тағы да дәлелдеп, қол жеткізген табыстарын нығайтты және жаңа халықаралық келісімдерге жол ашты.