AI Quest 2.0 ЖИ саласындағы дағдыларды дамыту және технологияларды насихаттау мақсатында іске қосылды. Квест қатысушылары басты тұжырымдамаларды тиімді білім базасы арқылы үйреніп, интерактивті тапсырмаларды орындайды. Тақырыптар ЖИ-дің өмірде қолданылуы, логика мен математика негіздері, машиналық оқыту, компьютерлік көру және генеративті ЖИ салаларын қамтиды.

Қатысу үшін Astana Hub қосымшасын App Store мен Play Market-тен жүктеп алып, тіркеуден өту қажет. Ойыншылар тапсырмаларды орындау арқылы ұпай жинап, ойын рейтингінде алға жылжиды. Смартфондардан басқа, AI Quest 2.0 қатысушылары Social Coins (SC) жинайды, оларды Astana Hub Marketplace бөлімінде сатып алулар жасау үшін пайдалануға болады. Сонымен қатар сарапшылардың кеңесі мен сәнді мерч те бар.

Айта кетейік, SC санын достарды квестке шақыру арқылы еселеу қарастырылған. Ол үшін жақындарыңыз тіркелу кезінде пайдалана алатын бірегей жарнамалық кодты бөлісу жеткілікті. Шақырылған дос тапсырмаларды орындап, 50 ХР жинаған кезде екі қатысушы да 500 SC алады. Бұл бонустарды оқыту, Astana Hub Marketplace-те сатып алу және басқа да қажеттіліктер үшін пайдалануға болады. SC-тың жалпы саны — 50 000.

Жоба ойын элементтері мен білім беру мүмкіндіктерінің үйлесімі арқасында елеулі назар аударды. AI Quest 2.0 тек технологияларды үйренуге ғана емес, сонымен қатар жасанды интеллектке тұрақты қызығушылықты дамытуға бағытталған AI Movement жаһандық қозғалысының бір бөлігі болуға ықпал етеді.