Қазақстандық стартап ApartX Activat инвестициялық басқару компаниясынан $2 млн-ға бағаланатын инвестиция тартты. Жобаның негізін қалаушы Қанат Келдібековтің айтуынша, инвестициядан түскен қаражат жабдық сатып алуға және бұрын жасалған келісімшарттарды қамтамасыз етуге жұмсалады.

ApartX қызметі - бұл күнделікті жалға берілетін жылжымайтын мүлік иелеріне арналған мобильді қосымша. Қосымша ақылды құлыптар көмегімен объектілерді қашықтықтан және қауіпсіз басқаруға мүмкіндік береді. Ақылды құлыпты орнатқаннан кейін, пәтер иелері жалға алу мерзіміне байланысты уақыт бойынша шектеулі PIN кодтарын жасайды. Оларды пәтер иелері жалға алушыларға SMS немесе жедел хабарлар арқылы бере алады. Сондай-ақ, «қосымша» автоматты түрде AirBnb, Booking сияқты пәтер жалдау учаскесіндегі жылжымайтын мүліктің толу коэффициентін синхрондайды.

ApartX өзінің кірістілігін және нарықтағы үлкен әлеуетін растап үлгерді. Стартапға бұған дейін Сингапурдың жетекші венчурлық қоры Quest Ventures және қазақстандық венчурлық қор Qaztech Ventures қаржы салған.

Қанат Келдібеков хабарлағандай, олар бүкіл Қазақстандағы пәтерлерді қысқа мерзімді жалға беру нарығының әлеуетті көлемін 37 миллиард теңгеге бағалайды, мұнда Apartx жылына 9 миллион доллар табуды жоспарлап отыр: «Бізде 700 пәтерлік қоры бар 65 төлеуші клиент бар. Біз ApartX-ті Apartamenty.kz қысқа мерзімді жалға беру порталымен біріктірдік. Оларда жылына 4,5 миллион кіріп-шығу болады, оның бір миллионы - бірегей қолданушылар, соның ішінде 18% - тұрақты қолданушылар. Біздің жоба жалға беру процесін автоматтандырып қана қоймай, қауіпсіз жалға беру бойынша жұмыс істейді, енді біз өз клиенттеріміз үшін трафик қалыптастырамыз. Қазіргі уақытта ApartX клиенттері үшін трафик тегін. Болашақта біз 10% комиссия енгізуді жоспарлап отырмыз. Бұл жылына 1,5 миллиард теңге ықтимал кіріс».

Сонымен қатар, Қанат бұл қызметтің Қазақстанда және Ресейде баламалары жоқ екенін айтты. Тікелей емес бәсекелестер бар - ақылды құлыптарды сатуға мамандандырылған шетелдік компаниялар және қонақүйлерді брондайтын электронды құлыптармен байланысқан бөлек қызметтер: «Әрбір ақылды құлыпта жеке пайдалануға арналған мобильді қосымша бар. Біз бизнеске бейімбіз. Біздің қосымшаның функционалдығы клиенттерге пәтерді жалға беру арқылы ақша табуға мүмкіндік береді. Бұл ретте біздің клиенттеріміздің біреуінде ғана бірнеше ақылды құлыптар болуы мүмкін, барлығы пәтерлер санына байланысты. Біз құрылғылар шығармаймыз, біз бағдарламалық қамтамасыздандыруды дамытамыз және Қытайда шығарылатын ақылды құлыптың 50-ден астам түріне және 80%-на қосыла аламыз. Бұл ТМД елдеріндегі ең үлкен ассортимент. Біз ТМД-дағы өндірушілермен эксклюзивті келісімшарт жасадық. Біздің құлып 5 минут ішінде орнатылады, ал бәсекелестерде ол үшін 3–4 сағат кетеді».

ApartX стартапы - Astana Hub халықаралық ІТ-стартаптар технопаркінің қатысушысы, Украина мен БАӘ-дегі Халықаралық Road Show Astana Hub бағдарламасының қатысушысы, 2018 жылы стартап «Қазақтелеком» АҚ рейтингі бойынша ең үздік IoT-стартапы деп танылды. Бүгінде жоба тобында 12 адам жұмыс істейді. Бүгінде стартап 7 қалада ұсынылған, олар: Нұр-Сұлтан, Алматы, Шымкент, Павлодар, Ақтөбе, Көкшетау және Мәскеу.

Айта кетейік, Astana Hub IT-стартаптар халықаралық технопаркінің барлық қатысушылары салық жеңілдіктеріне ие болады. Мемлекеттік қолдаудың осындай шарасы IT-компанияларға үнемделген қаражатты өз жобаларын дамытуға қайта инвестициялауға мүмкіндік береді.