Іс-шарада сөз сөйлегендер: Qaztrade бас директорының орынбасары Нұрлан Құлбатыров, Astana Hub халықаралық байланыстар, инвестициялар және экспорт басқармасының директоры Михаил Коваленко, MOST Ventures басқарушы серіктесі Мират Ахметсадықов, Vardix-Group және DreamLight Studio мен ROQED, DIMEDUS, VARDITEC серіктестерінің негізін қалаушысы Владимир Баринов, Parkour компаниясының тең құрылтайшысы және бас директоры Әмірхан Омаров, Maxinum Consulting Group компаниясының тең құрылтайшысы және басқарушы серіктесі Азат Есенов және Kompra контрагенттерді тексеру қызметінің директоры Рината Илюбаева.

Модератор ретінде Astana Hub бас директоры Мағжан Мәдиев болды.

Дөңгелек үстел барысында 5 апталық PreScalerator масштабтау кезеңіне дейін стартаптарды дамытудың акселерация бағдарламасы ұсынылды. Бағдарлама тәжірибелі трекерлер мен халықаралық агенттер сатылымдарды құруға және тұрақты бизнесті құруға көмектесетін Scalerator экспорттық бағдарламасына қатысуға дайындық болып табылады.

Сондай-ақ, Invest Day атты іс-шараның өткізілуі жарияланды - стартаптарға әлеуетті инвестициялай алатын бизнес-періштелерге, инвесторларға, VC қорларына жобаларды таныстыру. 2022 жылы алғаш рет өткен Invest Day 19 сәуірде өтті. Биыл жыл соңына дейін тағы 5 Invest Day өткізу жоспарлануда.

Қазіргі уақытта АҚШ, Сирия және БАӘ-де орналасқан сарапшылары онлайн режимде дөңгелек үстелге қосылып, стартапты АҚШ, БАӘ, Еуропа елдері және көршілес елдердің нарықтарына шығару тәжірибесімен бөлісіп, бизнесті халықаралық нарыққа шығару процесін жеңілдету бойынша бірқатар ұсыныстар жасады. 

Естеріңізге сала кетейік, Astana Hub стартаптарға арналған іс-шараларды жүйелі түрде ұйымдастырады, келешек іс-шаралардың толық тізімін көру үшін мына сілтемеге өтіңіз: https://astanahub.com/event/