10 қыркүйекте Astana Hub-та ерте кезеңдегі стартаптар үшін аймақтық және онлайн инкубациялық бағдарламаның ресми тұсаукесері өтті.

Биылғы жылы инкубация екі форматта өтеді: офлайн – Алматы, Шымкент, Атырау, Петропавл қалалары үшін және онлайн – қалған барлық облыстар үшін. Онлайн-қоңырау барысында Astana Hub даму және экспорт жөніндегі басқарушы директоры Аркадий Селезнев құттықтау сөзін сөйледі.

Кездесуге қатысушылар хабтың қызметімен танысып, өздері өтуі тиіс бағдарламамен толығырақ танысты, сонымен қатар өткен жылдардағы инкубацияның ең жарқын нәтижелері туралы білді.

Өткен қатысушылар: VOCA.cc онлайн туристік сервисінің негізін қалаушы Темірлан Беркімбаев және өндірістік нысандардағы бейнебақылау жүйесінің NNP әзірлеушісі Сергей Ким Инкубация стартаптарының дамуына қалай жаңа серпін бергені туралы әңгімеледі.

Бағдарлама Astana Hub-тың басқа бастамаларымен (Techpreurs, Seed Money) бірге аймақтық IT-жобаларды дамытуға және қазақстандық инновациялық өнімдердің халықаралық нарықтарға шығуын белсендіруге көмектеседі деген үміт танытуда.

Аймақтық жобаларды инкубациялау кәсіпкерлерге семинарлар мен жеке бақылаудан өтуге ғана емес, сонымен қатар сарапшылардың қолдауын алуға және басқа стартаптар мен инвесторлармен кездесуге мүмкіндік береді.