ICT WEEK UZBEKISTAN 2024 аясында IT Park Uzbekistan бас директоры Фарход Ибрагимов пен Astana Hub бас директоры Мағжан Мәдиев осы мақсатта ынтымақтастық туралы меморандумға қол қойды.

Серіктестік мақсаты – аймақтық ортақ бірегейлікті қалыптастыру, стартап-экожүйесі мен венчурлық қорларды дамыту саласында тәжірибе алмасу. Сондай-ақ Орталық Азияның болашағы зор жобаларын халықаралық алаңда ілгерілетуге бағытталған бірқатар бірлескен бастамаларды жүзеге асыру.

Осы жылдың соңына дейін Қазақстан мен Өзбекстан технопарктері ортақ бастама шеңберінде ауқымды халықаралық іс-шараларға қатысады. Атап айтқанда, InMerge (Баку), TechCrunch (Сан-Франциско) және WebSummit (Лиссабон) бар. InMerge іс-шарасында халықаралық инвесторлар мен қорлардың назарына аймақтың 4, TechCrunch-те 20, ал WebSummit-те 16 стартабы ұсынылады.

Сонымен қатар аймақтық стартаптардың Hero Training Program (Draper University), Stanford HealthTech Accelerator және Alchemist Accelerator бағдарламаларына қатысуы қамтамасыз етілмек.

Серіктестік екі елдің және жалпы аймақтың стартап-экожүйелеріне серпін беріп, Орталық Азияның инвестициялық әлеуетін күшейтпек. Central Asia Innovation Hubs-ты құру арқылы аймақ стартаптарының әлемдік деңгейдегі танымалдылығы артып, құрылтайшыларға өз жобаларын жаһандық алаңда сала көшбасшыларына ұсынуға жаңа мүмкіндіктер ашылады.