Кездесудің арнайы қонақтары Қазақстан Республикасындағы Жапония Елшісінің бірінші орынбасары, сондай-ақ Kazakh Invest өкілдері болды. Astana Hub қызметкерлері технопарк қызметімен таныстырып, стартаптардың экожүйесін дамыту тәжірибесі туралы айтып берді.

Қазақстандық Сerebra, Oquda және Clockster стартаптары Жапония нарығына шығу үшін өз өнімдерін ұсынды.

Cerebra - ишемиялық және геморрагиялық инсультті автоматтандырылған диагностикалау үшін нейрорадиология саласындағы жасанды интеллект, ол түскен науқастың КТ суреттерін талдайды, инсульттің түрін, оның ауырлық дәрежесін анықтауға көмектеседі және емдеу түрін ұсынады. Жүйе Қазақстанның 17 ауруханасында қолданылады.

Oquda - шетелдік университеттерге студенттерді қабылдау индустриясындағы алғашқы market network платформасы. Платформа шетелдік білімді қол жетімді ету үшін бүкіл әлем бойынша мамандардың жұмысын ұйымдастырады

Clockster - микро, шағын және орта бизнеске арналған персоналды басқару құралы. Жүйе компанияларға жалақы есебін, жұмыс уақытын есепке алу табельдерін автоматтандыруға, қызметкерлер кестесін жеңілдетуге және басқаруға, географиялық орналасуы мен уақыт белдеулеріне қарамастан қызметкерлер мен олардың жұмыс берушілері арасындағы өзара іс-қимылды едәуір жақсартуға мүмкіндік береді.

Кәсіпкерлер Techno solutions Co Ltd компаниясының негізін қалаушы және атқарушы директоры Сакагучи Кэнъичи мырзадан кері байланыс алды.

Жапон сауда қауымдастығы жаңа тәуелсіз мемлекеттермен (РОТОБО) ұйымдастырған виртуалды көрме 2022 жылдың 17 қаңтары мен 4 наурызы аралығында өтеді. Көрме аясында 2022 жылғы 1-3 ақпан аралығында Қазақстанның ұлттық апталығы өтуде. Көрменің мақсаты-отандық инновациялық өнімдерді Жапония нарығына шығару және жапон инвесторларын тарту.