Сапар барысында Astana Hub бас директоры Мағжан Мәдиев қонақтарға экскурсия жасап, технопарктің қызметі мен хаб қатысушыларының инновациялық жобаларын таныстырды.

Депутаттар геймификация арқылы бағдарламалауды үйрететін CodiPlay жобасы, балалар ойын-сауық орталықтарына баруға арналған бірыңғай жазылым қызметі Yaya, медициналық ақпараттық жүйе Damumed және жасанды интеллект арқылы наноденелерді жасайтын Arlan Biotech стартаптарымен танысты.

Делегаттар сондай-ақ жасанды интеллект саласындағы мамандарды даярлауға бағытталған заманауи білім беру жүйесін ұсынатын Tomorrow School мектебінің қызметіне ерекше назар аударды. Бұл Astana Hub-тың Қазақстанда жаңа технологияларды қалыптастыру мен дамыту алаңы ретіндегі маңыздылығын көрсетеді.

Бүгінгі таңда Astana Hub Орталық Азиядағы ең ірі технопарк болып табылады, оның қызметі ІТ-бизнес үшін экожүйе құруға және дамытуға, ІТ-мамандарын дайындап, стартап-жобаларды қолдауға бағытталған. Бүгінгі таңда технопаркте 1500-ден астам IT-компания тіркелген, оның ішінде 400-ден астамы шетелдіктер. Олар бизнесті дамыту және масштабтау бағдарламаларын, арнайы салықтық және визалық шарттарды, ақпараттық-білім беруді және материалдық инфрақұрылымды қоса алғанда, жан-жақты қолдау алады.