Жартылай финалға 89 IT-компания қатысты. Жалпы байқауға 250 сұраным келіп түсті.

Astana Hub Battle технологиялық стартаптар шайқасы дәстүрдегідей Digital Bridge 2021 халықаралық форумының алаңында өтті. Баттл  АТ-стартаптар арасында өткізілді, оларға қойылатын басты талаптар - нарықтағы тәжірибесі екі жылдан аспайтын, экспортқа шығу әлеуеті бар, командасында кем дегенде екі негізгі жұмысшысының бар болуы.

Байқаудың жартылай финалы офлайн-форматта өткізілді. Әрбір стартап-жобаға өз өнімі туралы  әділ қазылар мен форум қатысушылары алдында бір минуттық презентациямен сөз сөйлеу мүмкіндігі берілді.

Astana Hub Battle 2021 жартылай финалының қазылар құрамында келесі мамандар болды:

• Максим Беженарь, MindSales негізін қалаушысы, Astana Hub маманы әрі трекері;
• Андрей Крюков, Astana Hub маманы әрі трекері, Сколково, PwC және басқа да жобалардың трекері тәжірибесі бар.;
• Кендрик Уайт, Marchmont Capital Partners бас атқарушы директоры;
• Алина Хаматдинова, Алина Хаматдинованың тренинг-орталығының негізін қалаушысы, Astana Hub маманы әрі трекері;
• Ержан Бейсенбаев, Azimut Labs бас атқарушы директоры, Қазақстандағы софт дайындайтын үздік компаниялардың ТОП-5 кіреді;
• Аркадий Селезнев, Astana Hub даму мен экспорт бойынша атқарушы директоры.

Astana Hub Battle финалы 29 қазанда Digital Bridge халықаралық форумының соңғы күнінде өткізіледі.