Жобаға қатысу мақсатында 35 өтінім түсіп, ішінен 12 команда іріктелді. Олардың 6-ы Якутия, 6-ы Қазақстан намысын қорғады. Екі ай бойы қатысушылар бейнеойын индустриясының жетекші сарапшыларының интенсивті оқытуынан өтіп, продакт-менеджмент пен нейрожелілерді бейнеойын жасау барысында қолдануды үйренді.
Астанада өткен Demo Day-де командалар өздерінің ойындарын әртүрлі жанрларда ұсынды.

Қазылар алқасы үш номинация бойынша жеңімпаздарды анықтады:

• 
  «Үздік нарратив» — Якутияның мифтері мен фольклорына негізделген эпизодтық DLC форматындағы хоррор-ойын «Хара Мыраан» — «Архитектура Реальности» командасы (Якутия);
• 
  «Үздік геймплей» — Қызыл телпек ертегісіне негізделген, Diablo мен Devil May Cry стиліндегі Untold Tales: A Scarlet Way ойыны — «Not Friendly Games» командасы (Қазақстан);
• 
  «Үздік визуал» — фэнтези әлеміндегі ортағасырлық таверна симуляторы «Let’s Beer Together» — «Some Games» командасы (Қазақстан).

«Б8» акселераторының 13-ші легінің сыйлық қоры 900 мың рубльді құрады. Мұнда Якутияның әлемге танымал MyTona компаниясы мен Astana Hub қатысушысы — қазақстандық Grand Mobile стартабы қолдау көрсетті. Әр жеңімпаз команда 300 мың рубльге ие болды.