Стартап жобаларды: "Venture Rocket Eurasia" бас директоры Арслан Кудияр, стратегиялық басқару жөніндегі сарапшы және "Dimpulse" қауымдастығының президенті Денис Давыдов, сондай-ақ Astana Hub бағдарламаларының трекері Андрей Крюков бағалады.

Қатысушылар жобаны идея кезеңінде де, күнделікті өмірдің кейбір өзекті мәселелерін шешетін дайын IT өнімдерін де таныстырды. Мысалы, Асанәлі Сайдикаримов өзінің "Kitap Summary" жобасын - қазақ тіліндегі әлемдік әдебиеттің аудио-топтамалары бар платформаны ұсынды. Осылайша, жас әзірлеуші қазақ тіліндегі медиаконтенттің жетіспеушілігі мәселесін шешпек. Диляра Тулинова жақында іске қосылған, сұлулық өнімдерін бөліп төлеу арқылы сатып алу, жеткізу және бронь жасауға арналған SULU қосымшасы туралы айтты. Назарбаев Зияткерлік мектебінің оқушылары Дәулетжан Бердіқұлов, Алдияр Пазилов және Дәулет Мұханов ыдырайтын биопластикалық пакет өндірісін енгізу арқылы қоршаған ортаны ластау мәселесін шешті.

Кездесудің әрбір қатысушысы өз презентациясына кәсіби баға алып, стартапты одан әрі дамыту бойынша кеңестер мен практикалық ұсыныстар алды.

Сонымен қатар, іс-шара шеңберінде Techpeneurs түрлі сатыларындағы стартаптарды үздіксіз қолдаудың акселерациялық бағдарламасы таныстырылды, онда осы аптада өтінімдер қабылдау жарияланады.

Осындай іс-шаралар Astana Hub-та ай сайын өткізілуде. Анонстан қалмаңыздар!