Кэти Лич ханымға Alem бағдарламалау мектебіне экскурсияны мектеп кеңесінің төрағасы Данабек Қалиаждаров жүргізді. Сапар барысында ол мектептің ерекшеліктері, жетістіктері мен озат оқушылары туралы айтып берді.

Еске салайық, Alem – Орталық Азиядағы өзара оқыту қағидаттарына негізделген алғашқы тегін бағдарламалау мектебі. “Alem”-де оқыту жобаларды талдау және әзірлеу негізінде, мұғалімдердің қатысуынсыз дарынды оқушылардың бір-бірімен қарым-қатынасы арқылы жүзеге асады.

Кездесуге Astana Hub бас директоры Мағжан Мәдиев қатысып, технопарк жұмысының нәтижелеріне тоқталып, Қазақстандағы ІТ-экожүйені дамыту жоспарларымен бөлісті. Сондай-ақ, елшіге технопарк қатысушылары үшін қолжетімді Astana Hub мүмкіндіктері туралы ақпарат берілд, атап айтқанда: салықтық преференциялар, әлемдік сарапшылардың шеберлік сабақтары мен семинарларына қолжетімділік, тегін жұмыс кеңістігі, халықаралық IT-стартап технопаркінде өткізілетін бағдарламаларға қатысу мүмкіндігі.

Қонақтар UvU (балаларды қауіпсіз тасымалдау қызметі) стартабының командасымен танысты. Жобаның бас директоры және тең негізін қалаушысы Мадияр Төлеуғали стартаптардың жетістіктеріне тоқталып, Astana Hub-тың ерекше рөлін атап өтті. https://uvu.kz/ 

Astana Hub халықаралық ынтымақтастықты жүзеге асыру бойынша жұмысын жалғастыруда. Айта кетейік, жақында ғана Astana Hub өкілдері Иордания Хашимит Корольдігінің Елшілігінің өкілімен кездесті.