Хабпен танысу, Hub Space аралаудан және бас директор Мағжан Мәдиевтің құттықтау сөзінен басталды. Мағжанның айтуынша, бұл бағдарлама Қазақстандағы Cominity IT стартаптарының шекарасын кеңейтіп, аймақтардың әлеуетін іске асыруға жаңа мүмкіндіктер береді.

Сонымен қатар, кездесуге қатысушылар бизнес-бағдарламалар, халықаралық байланыстар, білім беру бағдарламалары және қатысушыларды қолдау кеңсесінің бағдарламаларымен танысты.

Білім беру бағдарламасы үш күнге созылады. Осы уақыт ішінде жігіттер мен қыздар Astana Hub қызметі мен бағдарламаларымен танысады, цифрлық платформада жұмыс істеуді үйренеді және Scrum және Agile әдістерін қолданып командада жұмыс істеуге машықтанады.

Қоғамдастық менеджерлері бағдарламасының мақсаты – технологиялық кәсіпкерлікке қызығушылық танытатын адамдар қауымдастығын құру. Өңірлік өкілдер IT-кәсіпкерлік саласындағы іс-шараларды өткізуге және оларды одан әрі Astana Hub білім беру және іскерлік бағдарламаларына тарту үшін болашағы зор стартаптар одағын құруға тартылады.