«Біз Орталық Евразия аймағын, оның ішінде Қазақстан, Қырғызстан, Тәжікстан, Өзбекстан, сонымен қатар Әзербайжан, Моңғолия және Грузия елдеріндегі стартап құрушыларды біріктіреміз. Бір жылдың ішінде көптеген жобаларды жүзеге асырып үлгердік. Былтырдың өзінде Astana Hub-пен Әлемдік банктің жобалық кеңсесімен бірігіп, стартаптарды Кремний алқабына 6 ай көлемінде жұмыс жасауға әкелдік. Олардың бірнешеуі әлі де Кремний алқабында істерін жалғастырып, инновациялық жобаларын жасауда», - деді Асрор Арабжанов, Silkroad Innovation Hub бірлескен құрылтайшысы.

Осы жылы Silkroad Innovation Hub және Astana Hub бірігіп, алғаш рет америкалық беделді акселлератор Alchemist-пен арнайы бағдарламаны іске қосты. Ол бойынша Орталық Азия стартаптары Кремний алқабына жарты жылға келіп, білімдерін арттырып, инвестиция және тұтынушы іздеуге мүмкіндік алады. Осылайша еларалық ынтымақтастық артып, талантты жастардың талпынысы толағай табысқа айналуда.

Толығырақ 24.kz сайтында