Бұл бастама мақсатты аудитория арасында үлкен қызығушылық тудырды, бағдарламаға қатысуға төрт елден 176 стартап өтініш берді. Қатысушы компаниялар әртүрлі салаларды ұсынды: өтінімдер білім беру және технологиялық саладағы компаниялардан, сондай-ақ е-коммерция сегментінен және саяхат пен ұлттық көрікті жерлерді таныстыру шешімдерінен алынды. Қатысушылар TikTok-тан білім беру курсын өтті, платформада қызықтыратын мазмұн құруды, аудиториямен өзара әрекеттесуді және тиімді жарнамалық науқандар жүргізуді үйренді. 

Жоба финалына 40 стартап шықты, олар TikTok платформасы мен Astana Hub өкілдеріне өздерінің платформадағы даму мен ілгерілету стратегияларын ұсыну мақсатында Астанаға келді. Финалистер бірқатар критерийлер бойынша таңдалды: стартап идеясының жаңашылдығы, даму кезеңі, географиялық кеңейту жоспарлары және TikTok-та жылжыту стратегиясының сапасы. Astana Hub питч-сессияларының қорытындысы бойынша 10 жеңімпаз таңдалды, олар  30 000 доллар көлеміндегі жалпы жүлде қорын өзара бөлісті, және оны TikTok-тағы ілгерілетуге жұмсай алады.

• iTarla (Азербайджан)
• Легко (Кыргызстан)
• Postureletics (Казахстан)
• Stepogram (Узбекистан)
• Food-Ai (Казахстан)
• Qpia (Казахстан)
• Airun (Кыргызстан)
• Beksar (Казахстан)
• Documood (Азербайджан)
• Talklif (Узбекистан)

Мағжан Мәдиев, "Инновациялық технологиялар паркі" ДКҚ бас директоры:

"TikTok және Astana Hub серіктестігі - бұл жай ғана бастама емес, стартаптар мен инновациялық бизнесті дамыту жөніндегі ұзақ мерзімді стратегия. TikTok кәсіпкерлерге кең аудиториямен өзара әрекеттесуге, өз идеяларын сынауға және жаңа нарықтарға шығуға мүмкіндік беретін бірегей алаң ұсынады.

Astana Hub үшін бұл стратегиялық маңызы бар жоба, өйткені ол біздің миссиямызға толық сәйкес келеді - стартаптардың өсуіне жағдай жасау, олардың әлеуетін ашу және жаһандық аренада табысқа жетуіне көмектесу. Біз сондай-ақ TikTok-пен серіктестігімізді білім беру бастамалары аясында да кеңейтуді жоспарлап отырмыз, соның ішінде Tomorrow School мектебі, онда біз IT мамандары мен кәсіпкерлердің жаңа буынын дайындаймыз".

Юлия Кушнир, Қазақстандағы TikTok бизнесті дамыту департаментінің басшысы:

"Біз кәсіпкерлерге қолдау көрсетуге тырысамыз және олардың бизнесті ілгерілетіп, дамытуы үшін платформамызды пайдалануға көмектесеміз. Біздің бизнесті қолдаудағы адалдығымыз туралы Startup Академиясы шеңберіндегі стартап командаларын үшінші рет оқытып жатқанымыздан-ақ белгілі. Биыл біз Академия бағдарламасын кеңейтіп, төрт елден келген 40 командаға питч-сессиялары аясында өздерінің даму стратегияларын ұсынуға мүмкіндік бердік. Үздік идеяларды ұсынған 10 жеңімпаз өз шығармашылық идеяларын TikTok платформасындағы жарнамалық науқандарға аударуға мүмкіндік беретін гранттарға ие болады».

TikTok туралы

TikTok - қысқа бейнероликтерді жасауға арналған жетекші бағдарлама. Миссиямыз - адамдарды шығармашылыққа шабыттандыру және оларға қуаныш сыйлау.

Astana Hub туралы

Astana Hub - IT-стартаптардың халықаралық технопаркі. Мұнда қазақстандық және шетелдік IT-компаниялардың еркін дамуы үшін жағдайлар жасалады.