Кездесуге қатысушылар жобаларды қаржыландыру, білікті кадрлардың жетіспеушілігі, сондай-ақ шетелде it-экспортты қолдау мәселелерін шешу бойынша өз идеяларын ұсынды. Осылайша, Арман Сүлейменов, Zero to One Labs және nFactorial Incubator СЕО бағдарламалау мектептерінде гранттық оқыту идеясын ұсынды: қолдау шарасы оқыту бағдарламаларының бәсекелестігін күшейтеді, технологиялық пәндерде білім беру сапасын жақсартады, сондай-ақ оны халықтың түрлі топтары үшін қолжетімді етеді. Царка бас директоры Олжас Сатиев кадрлық әлеует мәселесін шешетін senior-әзірлеушілерді рекрутингтеу үшін шетелдік өкілдікті құру туралы мәселені көтерді. Қазіргі уақытта бизнес-сектор мемлекеттік мекемелермен қатар, senior әзірлеушілерін сыртқы бәсекелестікке және мансаптық мүмкіндіктердің болмауына байланысты ұстап тұра алмайды. CEO Prime Source Евгений Щербинин Egov электрондық үкіметінің it-экспорты мен реинжинирингін дамыту туралы идеяларымен бөлісті. Кәсіпкер салалық аналитикаға ену және цифрландыру жөніндегі комитеттердің құзыреттерін күшейту қажеттігін атап өтті.

Кездесуде айтылған ұсыныстар ат-индустриясының тек жоғары мамандандырылған прогресіне ғана қатысты болмайды, сондай-ақ Қазақстанның жекелеген салаларының: білім беру, логистика, экология, мемлекеттік сектор және т.б. дамуына әсер етеді.

Барлық ниет білдірушілер үшін Astana Hub елімізді цифрландыруды жеделдету және жаңа жобаларды енгізу бойынша өз идеясын немесе шешімін шығаруға арналған платформаны ұсынады.

Үздік IT-бастамалар ҚР цифрлық даму, инновациялар және аэроғарыш өнеркәсібі министрлігінің жобалық тобына орындауға жіберіледі.

IT-бастаманы қалай ұсынуға болады?

1. astanahub.com платформасында бастама жасаңыз.
2. Өтінім бергеннен кейін сіздің идеяңыз белгіленген қағидаларға (ҚР заңнамасын бұзу, мақсатсыз бастамалар, жарнамалық сипаттағы материалдар және т.б.) сәйкестікке модерациядан өтеді.
3. Сәтті модерациядан кейін идея талқылауға жарияланады.
4. Егер бастама қолдауға ең көп дауыс жинаса, онда ол Қазақстанның цифрлық даму, инновациялар және аэроғарыш өнеркәсібі министрлігінің (ЦДИАӨМ) қарауына жіберіледі.
5. ЦДИАӨМ бастаманы талқылайды және шешім шығарады. Оң шешім қабылданған жағдайда бастама орындау үшін жобалау тобына жіберіледі.
6. Жобалау тобы ұсынылған бастаманы іске асыру бойынша жұмыс жүргізеді.

Назар аударыңыз: өтінім беру үшін ЭЦҚ болуы қажет.

Бастамалар Astana Hub сайтында мына сілтеме бойынша қабылданады: https://astanahub.com/initiatives/

Айта кетейік, Astana Hub IT-стартаптар халықаралық технопаркінің барлық қатысушылары салық жеңілдіктеріне ие болады. Мемлекеттік қолдаудың осындай шарасы IT-компанияларға үнемделген қаражатты өз жобаларын дамытуға қайта инвестициялауға мүмкіндік береді.