Форум бағдарламасында ондаған сессиялар мен воркшоптар, стартаптар көрмесі, Startup Battle байқауы, CEVF Awards марапаттау рәсімі, инвесторларға арналған жабық кездесулер және кешкі VC Afterparty қарастырылған.

Astana Hub өкілдері форумда маңызды ойларды ортаға салады:
– Назгүл Байтемірова – Astana Hub бас директорының венчурлік капитал жөніндегі кеңесшісі. Ол «New VC Playbook: Қорлар қоры венчурлық нарықтың катализаторы бола ала ма?» атты панельдік сессияның модераторы болады.
– Танат Өскенбаев – Astana Hub басқарушы директоры, форум спикері. Ол стартаптарды қолдау, IT-қызметтердің экспортын дамыту және қазақстандық IT-саланы халықаралық деңгейде ілгерілету туралы баяндайды.

Форумға Орталық Азия мен басқа елдердің венчурлік индустрия өкілдері қатысып жатыр. Олардың қатарында: Мұрат Абдрахманов (MA7 Ventures), өңірдегі ең ірі жекеменшік инвестор Нұрдәулет Базылбеков (Y Combinator стартаптарына инвестиция салған), 30-дан астам халықаралық жобасы бар Бақыт Ниязов, Стэнфордтағы StartX акселераторының өкілі Дарш Сингх Манн, америкалық Calculated Leap Ventures қорынан Джон Коул, Өзбекстандағы алғашқы ұлттық венчурлік қордың басқарушы серіктесі Абдулазал Тошхужаев және басқа да сарапшылар бар.

Толығырақ: https://ventureforum.asia/