"БҰҰДБ Қазақстанда цифрлық трансформацияға жәрдемдеседі, оның орталығында адамдар мен қоршаған орта бар. Цифрландыру саласындағы ұлттық әріптестермен жемісті ынтымақтастық теңсіздікті қысқартуға, мемлекеттік қызметтер мен халықты әлеуметтік қорғау сапасын арттыруға, сондай - ақ болашақ ұрпақ үшін Қазақстанның биологиялық әртүрлілігі мен экожүйелерін сақтауға ықпал етеді деп сенеміз", - деп атап өтті БҰҰДБ Қазақстандағы Тұрақты өкілінің орынбасары Сухроб Ходжиматов.

Конференцияда атаулы әлеуметтік - экономикалық көмек көрсету үшін халықтың неғұрлым осал топтары туралы ақпаратты жинауды және өңдеуді жүзеге асыратын, сол арқылы мемлекеттік шығыстарды неғұрлым мақсатты жоспарлауға ықпал ететін "Отбасының цифрлық картасы" ұсынылды.

Қатысушылардың назарына "Волна" бағдарламалық-аппараттық кешені - Орталық, автономды жылумен жабдықтау және газ қазандықтары жүйелеріне арналған энергия үнемдейтін құрылғы ұсынылды.

Басқа цифрлық шешімдердің қатарында Қазақстанның ерекше қорғалатын табиғи аумақтарында сәтті енгізілетін технологиялық гаджеттер мен жүйелер: Smart патрульдеу жүйесі, ормандарды есепке алуға арналған ұшқышсыз ұшу аппараттары, Қазақстанның биологиялық әртүрлілігін мониторингтеу және зерделеу үшін фототұтқыштар мен спутниктік жағалар бар.

Конференцияға қатысушылар Қазақстандағы БҰҰДБ қолдауымен дайындалған бес ұлттық саябақ пен қорықтар бойынша виртуалды турлармен танысты. 

БҰҰДБ тәлімгерлік бағдарламаларына қатысқан әлеуметтік инноваторлар да өз шешімдерін ұсынды.Олардың ішінде CLARITY мобильді қосымшасы бар, ол әйелдердің медициналық көмек пен диагностикаға қол жетімділігін жақсартады, платформа Airvision.kz ауа сапасын бақылау үшін, сондай-ақ гендерлік зорлық-зомбылыққа қарсы мобильді қосымшалар. Сонымен қатар, HP Inc сарапшыларымен серіктестікте ұйымдастырылған жастарға арналған цифрлық дағдылар бойынша мастер-класстар өтті.

Біріккен Ұлттар Ұйымының Даму бағдарламасы (БҰҰДБ) - БҰҰ-ның кедейліктен туындаған әділетсіздіктермен, теңсіздіктермен және климаттың өзгеруімен күресетін жетекші ұйымы.