Қатысушылар жобаларын дамыту үшін практикалық кеңестер мен менторлық қолдау алып, табысқа жету жолында жігерлене түсті. Іс-шара бағдарламасы нақты жағдайларды талдау, пайдалы ақпараттармен бөлісу және сала жетекшілерімен байланыс орнату жолдарын қамтыды. Осылайша, достық атмосферада тиімді нетворкинг орнатылды.

Сондай-ақ Astana Hub 10 білім беру курсы мен қатысушыларға арналған мерч ойнатты. Speak Up жобасы жеңімпаз атанып, 100 000 теңге көлемінде сыйақы алды. Speak Up — сөйлеу қабілеті шектеулі адамдарға арналған AI-қосымша, ол жаттығуға қауіпсіз жағдай жасап, дәрігерлермен байланысты қамтамасыз етеді.

Мұндай бастамалар әйелдерді технология саласында алға жылжуға итермелеп, жаңа буынды инновациялық шешімдер әзірлеуге шабыттандырады. Сондай-ақ IT-саласындағы әйелдерге тәжірибе мен білім алмасу платформаларын құрудың маңызын айшықтап, олардың осы саладағы орны мен ықпалын нығайтуға септігін тигізеді.