QWANT бағдарламалау мектебінің жетекшісі Майра Айдарбекова молекулалық биология мен медицинадан IT саласына қалай келгені туралы өз хикаясымен бөлісті. Сондай-ақ, мектептегі Women In Tech трендін атап өтті: әйел түлектердің саны 18%-дан 46%-ға дейін өсті.

“Конференцияның мақсаты – ІТ әйелдер үшін емес, IT – бұл өте қиын деген мифтер мен стереотиптерді жойып, әйелдерді жоғары технологиялар әлеміне кіруге шабыттандыру және ынталандыру. Бұл бастама елімізде IT-мамандардың әйелдер “армиясын” қалыптастыруға негіз болады деп ойлаймын, өйткені болашақта қолжетімді білім беру, IT кәсібін меңгеру үшін тегін платформаларды әзірлеу және бұдан да көп, бұл елдегі IT-индустрияны дамытуға үлкен септігін тигізеді”, - деді шараны ұйымдастырушы Лаура Тілепина.

Конференцияны ұйымдастырушылар ұсынған мәліметтерге сүйенсек, отандық IT сектордағы қызметкерлердің жалпы санының шамамен 20%-ын әйелдер құрайды. Бұл сан қыздар арасында STEM білім беруді белсенді насихаттаудың арқасында бүкіл ел бойынша баяу, бірақ тұрақты өсуде.

"Mersys – білім беру үшін IT құрылғыларын жасаған компания. Біздің компанияның негізгі құндылықтары - қауіпсіздік, теңдік және инклюзивтілік. Біз бұл “IT-WOMEN 1.0” конференциясын әйелдердің IT саласына назар аудару мақсатында ұйымдастырдық. Біз ІТ саласындағы әйелдер қауымдастығын құруға тырыстық, олар бір-бірімен осы саладағы тәжірибесі, білімі және кеңестерімен бөлісулері үшін мүмкіндік жараттық. Ақпараттық технологиялар мен инновациялар әлемі әйелдерге мұқтаж деп есептейміз", - дейді Mersys өңірлік менеджері Нариман Жұмабеков.

100-ден астам қатысушылар – мектеп оқушылары, студенттер және жас мамандар қатысқан шара Astana Hub қолдауымен өткізілді.