Space Tech Battle 2 маусымда Алматыда Орталық Еуразиялық венчурлық форум 2023 аясында өтеді. Іс-шараға венчурлық қорлардың өкілдері, бизнес-періштелер, GovTech өкілдері және әлемнің түкпір-түкпірінен стартаптар шақырылған. Жүлде қоры $15.000 құрайтын баттлда мынадай номинациялар болады: Most Innovative Startup, High Value for Humanity, Future Space Exploration.

Байқауға SEED, PRE-SEED сатысында тұрған және ғарыш саласындағы шешімдерді әзірлейтін стартаптар қатыса алады. Қатысушылар зертханалық прототиптің немесе технология жұмысын растайтын басқа әдістердің болуы негізінде таңдалады. Функционалды MVP немесе дайын жұмыс өнімі таңдау мүмкіндігіңізді арттырады.

Егер сіздің әлемді өзгерте алатын ғарыштық технологиялар туралы идеяларыңыз болса, жобаңызды таныстырудың, инвестиция тартудың және стартапыңыздың географиясын кеңейтудің бірегей мүмкіндігін пайдаланып қалыңыз. Өтініштер 2023 жылдың 20 мамырына дейін қабылданады.

Мәліметтер және өтінімдерді қабылдау сілтемеде.