Сонымен қатар Astana Hub-тың бас директоры ІТ-саланы дамыту міндеттерінің қатарында ең перспективті, бәсекеге қабілетті қазақстандық жобалар венчурлік капиталға, жаһандық нарыққа қол жеткізуі үшін, Кремний алқабында өкілдіктерді іске қосу бар екенін айтты.
Міндет – Кремний алқабында өкілдіктерді іске қосу – Astana Hub-тың бас директоры
Astana Hub халықаралық IT-стартаптар технопаркі алдында тұрған басты міндеттердің бірі – өңірлерде IT-саланы дамыту. Сонымен қатар технопарктің жұмысы жаңадан бастаушылардан бастап ірі ІТ-компанияларға дейін барлық кезеңдерде ІТ-технологияларға қызығушылық танытатын адамдарды қолдауға негізделген. Қазақстандықтардың ІТ-құзыреттерін арттыру үшін қандай жобалар әзірленгені туралы ОКҚ алаңында өткен брифинг барысында Astana Hub-тың IT-стартаптар халықаралық технопаркінің бас директоры Мағжан Мәдиев айтып берді.
Оның айтуынша, егер адам тек ІТ-технологияларға қызығушылық танытса, онда ол Astana Hub курстарынан өте алады, олар негізінен тегін болады. Мысалы, Startup School, Freelance School.
«Сондай-ақ Beta Career бағдарламасы бар, онда біз студенттерге тағылымдамадан өтуге, жұмысқа орналасуға көмектесеміз. Бұл онлайн және офлайн режимде қол жетімді. Бұдан басқа, ІТ-мәдениетін дамытатын технопарк өткізетін көптеген іс-шаралар бар. Қаражаттың басым бөлігі азаматтарымыздың дағдыларын негізінен тегін негізде дамытуға бағытталған», – деді Мағжан Мәдиев.
Whatsapp
1172
Пікірлер 0
Кіру пікір қалдыру үшін