"Тегін оқу мен мүмкіндігі мол Tech Orda": Семейлік азамат вахталық жұмысын IT саласына қалай ауыстырғанын айтып берді
Елімізде IT саласы транформациядан өтіп жатыр, осыған сай жаңа мүмкіндіктер де ашылуда. Тіпті қазір кез келген адам мамандығын ауыстырып, жаңа салада өз қабілетін сынап көре алады. Осы тұста көпке тегін білім беріп, отандық үздік компанияларда қызметке тұруға бастамашы болып жүрген Tech Orda бағдарламасын ерекше атап өткен жөн. Бағдарламаның қатысушысы – семейлік 29 жастағы Жандос Сапарғазы бағдарламаға қатысу арқылы өмірін жаңа бағытқа бұрды. Осылайша бүгінде ол вахталық жұмысын ірі банктегі қызмет орнына алмастырған. Stan.kz тілшісі Жандостан Tech Orda-ның өзіне қандай мүмкіндіктер ашқаны, еліміздегі IT саласының қарқыны жайлы тілдесіп, алдағы болашағын қалай елестететінін сұрады.