Мемлекет басшысы Қасым-Жомарт Тоқаев нашақорлық және есірткі бизнесімен күрестің тиімділігін арттыруға ерекше көңіл бөліп отырғаны белгілі.

«Бүгінгі алаңда қоғамда ең өзекті болып жатқан есірткімен күрес мәселесі талқылануда. Бұл мәселені жастар бәріне ортақ тиімді әрі оңтайлы шешім – жоба ретінде ұсынбақ. Нашақорлықпен күресудің түрлі жолдарын жастардан сұраймыз деп шештік. Себебі, атаулы ғасыр дерті жас буын арасында, өз орталарында аса жылдамдықпен таралуда. AMANAT TECH аясында жобаның ауқымын кеңейтіп, Қазақстанның барлық аймақтарын қамтуды жоспарлап отырмыз. Әрине, бұл орайда, қатысушылар сұранысын ескеретін боламыз»,- деді партия хатшысы Эльдар Жұмағазиев.

 AMANAT TECH қатысушылары бірқатар интеллектуалды ІТ шешімдерін, соның ішінде желіде есірткінің таралуын қадағалауға арналған арнайы бағдарламаларды ұсынды. Бұл технологиялық құралдарды онлайн режимде дәрі-дәрмек сату туралы хабарландыруларды анықтау және құқық қорғау органдарына тиісті ақпаратты жолдау үшін пайдалануға болады.

«Бұл хакатон өзекті әлеуметтік мәселелерді шешу жолында инновациялық технологиялардың аса қолайлы екенін дәлелдей түсті.  Біз Қазақстандағы жастардың инновациялық идеяларды нашақорлықпен тиімді күресуге бағытталған жобаларға айналдырып жатқанын көргенімізге өте қуаныштымыз. Қатысушылар жай ғана жобалар ұсынып жатқан жоқ, қоғамды өзгертуге белсенді түрде ат салысып жатыр. Біз бұл ІТ-шешімдер қауіпсіз және жанашыр қоғам құруға елеулі көмек көрсете алатынына сенімдіміз», – деді Astana Hub басқарушы директоры Дания Ахметова.

Хакатонның жалпы жүлде қоры - 4,4 миллион теңге, соның ішінде бірінші орынға 1,4 миллион теңге, екінші орынға 1 миллион теңге және үшінші орынға 800 мың теңге бөлінді. Сондай-ақ екі номинация иегерлерінің әрқайсысы – Best market ready solution және The best scaling potential – 600 мың теңге жүлдемен марапатталды.

Futurista командасы нашақорларды оңалтуға арналған TuzyZhol қосымшасын жасап, хакатонда жеңіске жетті. «Бұл қосымшада психологтар мен әлеуметтік қызметкерлердің кеңесі 24/7 режимінде қолжетімді болады. Сондай-ақ аталған қосымша enbek.kz. порталмен интеграцияланды. Яғни, сауығып кеткен адам осы қосымшаны пайдалана отырып оқыту курсынан өтіп, жұмыс таба алады»,  - деді Futurista командасының мүшесі, 11-сынып оқушысы Ұлжан Хамидолла.

Екінші орынды рецептсіз сатылатын дәрілердің сатылуын азайтуға бағытталған PharmaTrace жобасын ұсынған AntiTox командасы иеленді. Үшінші орын есірткіге қатысты қылмыстық әрекеттер туралы ескертетін бот көмекшілері ойластырылған Sheker Emes жобасын жасаған Shalkyma командасына бұйырды.

Saqta жобасын әзірлеген IB Sila командасы Best Scaling Potential номинациясын жеңіп алды. Олар нашақорлықпен күресу үшін есірткі сайтын анықтау бағдарламалық құралын, киілетін білезіктерді және VR негізіндегі білім беру сабақтарын қолданатын мүмкіндіктерге бай жүйені ұсынды.

Интернет арқылы есірткі сатушылармен күрестің Qarauyl жаңа әдісін ұсынған «ACK» командасы Best Market Ready Solution номинациясында үздік деп танылды. «Біз есірткі сатушылардың операторын «бұғаттауға», осылайша олардың саудасын тежеуге мүмкіндік беретін бағдарлама әзірледік. Telegram әкімшілігі жеке парақшаны бұғаттау туралы өтінішті қарап жатқан кезде, олардың жұмыс істеуіне жол бермейміз. Себебі олар виртуалды клиенттерді нақты клиенттерден ажырата алмайды», - деді «АСК» командасының мүшесі Уәлихан Айғожин.

Astana Hub барлық менторларға алғыс білдіреді, олардың қолдауы хакатонға қатысқан жастар үшін аса маңызды болды. Хакатон менторлары: Есен Азат, Yessen and Company бас директоры; Алишер Омербаев, трекер; Абылай Исин, ​​MSSP.Global маркетинг бөлімінің басшысы; Алишер Сүйінжанов, A-Labs бас директоры; Медет Турин, MSSP Global киберқауіпсіздік жөніндегі сарапшысы, Spectre Security Group бас директоры, 2600 Qazaqstan негізін қалаушы; Валерия Тё және Шоқан Әбілхасымов – Astana Hub кеңселерінің директорлары; Михаил Подгурский, Viewflow.io негізін қалаушы; Евгения Панасова, VRDiver негізін қалаушы; Алтай Өрікбай, C&DC топ жетекшісі және A-Biz RPA әзірлеушісі; Демьян Язовский, Code Union негізін қалаушы.

Хакатонға қатысқан командалардың жобаларын арнайы қазылар алқасы бағалады, соның ішінде: Астана қаласы полиция департаменті Есірткі қылмысына қарсы іс-қимыл басқармасы басшысының орынбасары Еркеш Қалықов, Astana Hub басқарушы директоры Дания Ахметова, блогер Яков Федоров, Blockchain Center директоры Айдана Қасқырбек, AMANAT TECH үйлестірушісі Сұлтан Аллабергенов және «Құқық» қоғамдық қорының директоры Гүлмаржан Шунаева.