Оның айтуынша, форумда FIRST Tech Challenge-нің республикалық кезеңі өтеді. Жеңімпаздар Қазақстанды халықаралық жарыстарда таныстыруға мүмкіндік алады, сондай-ақ дрондар футбол лигасы өтеді.  

Форум аясындағы басты іс-шараларының бірі Industry AI Battle болады. Бұл - AI мен цифрлық трансформация саласындағы стартаптар жарысы. Қатысушылар 60 мың долларды құрайтын жүлде қоры мен форум серіктестерінің гранттары үшін жарысады.   

«Дәстүрлі стартаптар аллеясы 80-нен астам инновациялық жобаны ұсынады, бұл мыңдаған қонаққа, соның ішінде инвесторларға Қазақстанда ұсынылған жаңа идеялар туралы ақпарат алуға мүмкіндік береді», – деді спикер.   

Робо-аймақта қазақстандық кәсіпорындарда қолданылатын түрлі роботтарды көруге болады. Былтыр Алматыда ЦДИАӨМ қолдауымен робототехника орталығы құрылды. Көрмеге келушілердің барлығы осы бірегей туындылармен жақынырақ таныса алады.  

Форум ұйымдастырушыларының бірі – Astana Hub. Аталған ұйымның басқарушы директоры Digital Almaty 2025  Қазақстанда осы уақытқа дейін әзірленген және дайындалып жатқан барлық туынды, жетістіктер мен жобалардың қорытындысы екенін айтып, сөзін қорытындылады.