Stanford Healthcare Innovation Lab – Стэнфорд медициналық университетінің денсаулық сақтау саласындағы инновациялар зертханасы. Мұнда нақты медициналық технологиялар саласындағы зерттеулер мен әзірлемелерді жеделдету көзделіп, оларды клиникалық тәжірибеде енгізуге ден қойылған. Ұйымның новаторлары компьютерлік ғылым мен биология қиылысындағы медицинаның осы саласында көш бастап тұр.

Фэй Члейлат – денсаулық сақтау саласында 10 жылдық тәжірибесі бар Стэнфорд университеті Медицина мектебінің ғылыми қызметкері, ол метаболикалық денсаулық, микробиома, генетика, эпигенетика, онкология және мультиомика/ үлкен деректерді талдау маманы. Фэй адам денсаулығын жақсартуға бағытталған көптеген жобаға жетекшілік етіп, 15 рецензияланған ғылыми мақала жариялаған.

Мағжан Мәдиев мейманға технопарктің негізгі жетістіктері мен даму перспективалары, білім беру және акселерациялық бағдарламаларының артықшылықтарын айтып берді. Әсіресе,  экспорт және инвестициялар тарту бөлігіне тоқталды. Айта кетейік, Astana Hub акселерациялық бағдарламалары инновациялық стартаптар мен технологиялық жобаларға айрықша қолдау көрсетеді.

Stanford Healthcare Innovation Lab-пен ынтымақтастық қазақстандық стартаптарға жаңа көкжиектер ашып, медициналық технологиялар саласындағы тың жобалардың дамуына серпін береді деп күтіліп отыр.