Сапар аясында делегация Astana Hub қызметімен және Tomorrow School жасанды интеллект мектебінің құрылымымен танысты. Технопарк резиденттері қонақтарға өз жобаларын ұсынып, жетістіктерімен бөлісті.

Олардың қатарында:

• Sergek – интеллектуалды бейнебақылау және жол қозғалысын қадағалау жүйесі.
  
• Damumed – дәрігерлер мен пациенттерге арналған медициналық цифрлық қызмет ұсынатын қазақстандық жеке IT-компаниялар тобы.
  
• Beksar – жаһандық даму көзқарасы бар бизнесті автоматтандыру платформасы.
  
• Codiplay – балаларға арналған бағдарламалау мен робототехниканы ойын арқылы үйрететін платформа.
  
• Arlan Biotech – жасанды интеллект негізінде наноденелер әзірлеу технологиясы.
  
• Grand Mobile – шынайы рөлдік режимі бар мобильді ойын.
  
• Cybernet AI – бизнес-коммуникацияны автоматтандыруға арналған дауыстық ЖИ ассистенттерін әзірлеуші.
  

Сонымен қатар қонақтарға ЖИ саласындағы бірқатар бастамалар, оның ішінде биыл қазан айында ашылуы жоспарланған alem.ai Халықаралық жасанды интеллект орталығының жобасы таныстырылды.

Қатысушылар ұсынылған технологияларға және Қазақстандағы IT-экожүйенің даму перспективаларына қызығушылық білдірді.