PR-консультация аясында стартаптарға мына ұсыныстар қолжетімді: 

• Брендтің Қазақстан ақпарат айдынындағы үлесін талдау: консультант ұйымның еліміздің ақпарат кеңістігіндегі имиджіне шолу жүргізеді. 
• Компанияны ілгерілету жөніндегі PR-жоспар: кеңесшімізбен бірлесіп, Astana Hub-тың барлық қолжетімді құралы мен алаңын пайдаланып, стартапты тиімді ілгерілету үшін нақты қадамдарды айқындайсыз. 
• БАҚ-пен қарым-қатынас орнатуға арналған ұсыныстар: тілшілердің қызығушылығын оятып, материал жариялауға ынталандыру үшін компанияңыз туралы мәліметті ұтымды ұсыну тетіктері жөнінде кеңес аласыз. 
• Баспасөз баяндамасын жазуға арналған ұсыныстар: сіз көпшілікке тарататын ақпараттық материалдар мен хабарламаларға талдау жасаймыз. Аудитория назарын аудару үшін мәтін мазмұнын жақсарту бойынша ұсыныстар береміз.
• Әлеуметтік медиамен жұмыс істеуге арналған кеңестер: кеңесшімізбен бірге аудиторияңыздың белсенді болуы үшін қай желі алаңын пайдалану керегін және контент форматтарының тиімділігін талқылап, өз сұрақтарыңызға жауап аласыз. 

PR-кеңес алу үшін технопарк резиденттері өтінімдегі барлық сұраққа жауап беріп, мейілінше толық ақпарат ұсынуы қажет. Бұл бізге консультацияға мұқият дайындалып, компанияңызды БАҚ-ты қызықтыратын әлеуеті бар кейіпкерлер мен ұйымдар базасына қосуға мүмкіндік береді. 

Біз резиденттерімізді табысқа жету жолында зор ықыласпен қолдаймыз және PR-кеңес алу үшін өтінімдеріңізді күтеміз.