«Қазақстан жаңа технологияларға көптеген бірегей мүмкіндік ұсынады. Мысалы, Astana Hub-қа тіркелген IT-компаниялар корпоративтік салық төлемейді», — деді Шурек.

Бүгінгі таңда технопаркте 1500-ден астам IT-компания тіркелген, оның ішінде 400-ден астамы шетелдіктердің қатысуымен. Олардың арасында Еуропа мен АҚШ тарапының стартаптары бар. Мұнда жасанды интеллект, бұлтты есептеулер, маркетплейстер, үлкен деректер, цифрлық қауіпсіздік, блокчейн, заттар интернеті, виртуалды шындық, ойын технологиялары, финтех және робототехникамен айналысатын компаниялар жұмыс істейді. Бұдан бөлек Astana Hub жанында 5G орталығы, GameDev Center, блокчейн орталығы және SpaceTech Center бар.    

«Қазақстан цифрлық экожүйесінде жұмыс істеудің басты артықшылығы — IT-таланттар шоғыры. Жергілікті үкімет Tech Orda бағдарламасын іске асырып, жеке IT-мектептерге жан-жақты қолдау көрсетеді. Осылайша, азаматтарға түрлі  IT-мектептерде жаңа мамандықтарды тегін игеруге жағдай жасайды», — деді Анджей Шурек.

Astana Hub Польшада да өз қызметін жалғастырып келеді. Осы жазда Польшада өткен Kazakhstan IT Week аясында польшалық IT-компаниялардың Қазақстанда жұмыс істеуге деген ұмтылысы байқалды. Бұл бастама польшалық компанияларға Орталық Азия нарығына жол ашады. Astana Hub бас директоры Мағжан Мадиевтің айтуынша, Қазақстанда алдағы бір жыл ішінде жаңа технологиялар саласында жұмыс істейтін бірнеше польшалық компаниялар пайда болуы мүмкін.

Толығырақ inwestycje.pl сайтынан оқуға болады.