Бәсекеге қабілетті 100 жоба шайқастың жартылай финалына өтті, финалдық шайқасқа олардың 10-ы іріктелді:  Garderob, Cleek, MyMind, Porte, ProsperPay, Qtap, Beksar, TrustContract, IMPRO, MyStory.

Биыл Astana Hub Battle жеңімпаздары бес номинация бойынша анықталды және әрқайсысы $25 000 алды:

Best Social Impact: Деменцияны ерте сатыда анықтауға бағытталған MyMind жобасы жеңімпаз атанды. Жүлдені венчурлық инвестор, Draper Fisher Jurvetson венчурлық компаниясының тең құрылтайшысы, Draper University және Draper Venture Network негізін қалаушы Тим Дрейпер табыс етті. 

The Most Innovative: Бір экожүйеде әлеуметтік желі, веб-сайт құрастырушы және  онлайн-төлемдер қызметін ұсынатын Qtap платформасы жеңімпаз атанды. Жүлдені Freedom Holding Corp. бас атқарушы директоры Тимур Турлов табыс етті. 

Exponential Growth: Сауда нүктесінің деректерін ноутбук немесе смартфонның көмегімен цифрлауға мүмкіндік беретін  Beksar жобасы жеңімпаз болды. Жүлдені Kaspi.kz негізін қалаушыларының бірі және бас директоры Михаил Ломтадзе табыс етті. 

Best AI Startup: Жасанды интеллектке негізделген стартап арасынан әр балаға жеке ертегі құрауға маманданған MyStory сервисі үлкен әсер қалдырды. Жүлдені венчурлық инвестор Мұрат Әбдірахманов табыс етті.  

Most Investable Startup: Ең инновациялық стартап атағы қонақүйлерде магнит кілттерді цифрлық кілттерге алмастыратын Porte жобасына бұйырды. Жүлдені МОST Ventures қорының басқарушы серіктесі Мират Ахметсадықов табыс етті. 

Сонымен бірге Astana Hub Battle-да Астананың оқушылары құрап шыққан Shabyt жобасы көрермен көзайымына айналып, 1 миллион теңге көлемінде ақшалай жүлдеге ие болды. Олар әзірлеген жасанды интеллектке негізделген AIDAHAR роботы адам аяғы жетпейтін жердегі өртті сөндіруге қабілетті. Жүлдені ҚР цифрлық даму, инновациялар және аэроғарыш өнеркәсібі министрі Бағдат Мусин табыс етті.

Astana Hub Battle-ға MVP немесе PMF сатысында масштабталатын жобалар қатысты. Қазақстан, Түркия, Сингапур, БАӘ, Тәжікстан, Қырғызстан, Грузия, АҚШ, Әзірбайжан, Ресей, Моңғолия стартаптарынан өтінімдер түсті. Байқаудың өткен жылдардағы жеңімпаздары қатарында Kwaaka, NBfit, UvU, Parqour, EasyTap және Kid Security сияқты стартаптар бар.

Еске салайық, Digital Bridge – ҚР Президенті Қ.Тоқаевтың қатысуымен өтетін Орталық Азиядағы ең ірі IT-форум. Биылғы форумның басты тақырыбы - Artificial and Human Intelligence: The right balance жасанды интеллектің қазіргі әлемдегі рөлін талқылау болды.

Digital Bridge ұйымдастырушылары – Қазақстан Республикасының Цифрлық даму, инновациялар және аэроғарыш өнеркәсібі министрлігі, Астана қаласының әкімдігі және Astana Hub халықаралық технопаркі. Бас демеуші - Kaspi.kz. Демеушілер мен серіктестер - Freedom bank, Visa, Yandex, Citix, Ozon, ТТС, Halyk, Eurasian bank, BI Group, Allur, Bereke bank, Huawei, Mycar, Kazakhtelecom, Kcell, Tele2, Altel, Beeline, ҚазМұнайГаз, Qazaqgaz, Битрикс 24, QIC, KDSS, 7Generation, Binance.