SHAI жобасы жасанды интеллект платформаларын жасауға бағытталған, ол арқылы AI-агенттер мен ассистенттерді құруға болады. Мұндай шешімдер тапсырмаларды жылдам орындауға, қателерді азайтуға, сондай-ақ жеке ақпараттың қауіпсіз сақталуына жағдай жасайды.

«Қарқынды дамып жатқан технологиялар дәуірінде артта қалмай, сол қарқынмен ілгерілеу өте маңызды. SHAI командасы Руслан мырзаға жобамызға сенім білдіріп, үлес қосқаны үшін алғыс айтады. Тартылған инвестиция, ең алдымен, өнімді жетілдіруге, инновациялық технологияларды енгізуге және жаңа нарықтарға белсенді ілгерілетуге бағытталады. Біздің мақсатымыз – сала көшбасшыларымен тең тұру ғана емес, олардан озық болу, халықаралық деңгейде танылу», – деді Әлібек Полатов, SHAI бас директоры және негізін тең қалаушы.

Мұндай инвестициялар Қазақстанның технологиялық секторында маңызды орын алады. SHAI жергілікті IT-жобалардың жаһандық деңгейге шығып, Орталық Азиядағы жаңа технологиялық ландшафтты қалыптастырып жатқанын көрсетеді. Бұл үрдіс бизнеске жасанды интеллект шешімдерін интеграциялаудың жаңа дәуіріне жол салады.