Байқауға жалпы 65-тен астам жоба қатысты, олардың бағыттары әртүрлі болды: білім беру мекемелерінде жасанды интеллектті қолдану, түрлі интернет-дүкендер мен бизнеске арналған өнімдер экожүйелері. Сонымен қатар туристік жолдамалар мен әуе билеттерін іздеуге арналған сервистер, криптовалютамен қызметтерді төлеу жүйесі, бизнес-процестерді оңтайландыруға арналған құралдар мен шешімдер бақ сынады.

Финалистердің жобаларымен танысқаннан кейін, Bank RBK, Ұлттық төлем корпорациясы, Visa International және Astana Hub өкілдерінен құралған қазылар алқасы үш жеңімпазды анықтады. Олар: фрилансерлер нарығына арналған әлеуметтік финтех-экожүйе Partners Pay, студенттер мен оқытушыларға арналған білім беру платформасы JASTARLIFE және фармацевтика саласына арнайы жасалған инновациялық финтех/маркетингтік шешім – Farma pay.

Жеңімпаздар Bank RBK инфрақұрылымына Baas тұжырымдамасы аясында қосылу мүмкіндігін, сондай-ақ VISA тарапынан ақшалай гранттар алды: бірінші орынға – 5 миллион теңге, екінші орынға – 3 миллион теңге, үшінші орынға – 1 миллион теңге.

Айта кетейік, Astana Hub байқауды қолдап, Қазақстан финтех нарығының қатысушыларымен тиімді байланыс орнатуға белсенді үлес қосты.

Толығырақ zakon.kz сайтынан оқуға болады.

Фото: Bank RBK