Спикерлер, халықаралық DataArt компаниясының қызметкерлері Әлия Сайболатова мен Айгерім Сұлтан өз командасын мысалға ала отырып, рекрутингті PR-мен қалай сәтті үйлестіруге болатынын айтып, жеке тәжірибелерімен бөлісті.

Іс-шара гибридті – офлайн және онлайн форматта өтті. Қатысушылар, Adicom2000, Samgau Holding, Kazdream, Tech Hub AIFC, IP Partners ЖШС, Halyk bank, I vizor, Crosslife, BI Group, VEHI.KZ ЖШС, iClinic, KAZAKH INVEST ҰК АҚ, Freedom Mobile/Freedom Drive, IP Partners, Kompra, SmarTestPrepHR сияқты IT-компаниялардың HR мамандары DataArt компаниясы HR мен marketing үйлестіре отырып, рекрутмент құралдарын дамыту үшін қандай құралдар мен технологиялар қолданатынын білді.

Еске салсақ, былтыр Astana Hub халықаралық  IT-стартаптар технопаркі мен EPAM Kazakhstan IT HR Community - персоналды басқару саласындағы сарапшылар мен мамандардың оффлайн және онлайн кездесулері үшін ашық платформа құру жөніндегі бірлескен жобаны іске қосқан болатын.

IT HR Community жобасы желіні дамытуға, тәжірибе алмасуға, HR іс-шараларын, оқыту бағдарламаларын өткізуге, шеберлік сабақтарын өткізуге, жылдам рекрутингке және т.б. бағытталған. Оның мақсаты – Astana Hub қатысушыларының персоналды басқару тиімділігін арттыру, сондай-ақ 2025 жылға қарай қазақстандық ІТ-қызметтердің экспортын 500 млн долларға жеткізуге ықпал ету.