21 тамызда alem.ai Халықаралық жасанды интеллект орталығында Astana Hub-тың AI-стартаптарды құруға және дамытуға бағытталған флагмандық акселерациялық бағдарламасы — AI’preneurs төртінші легінің Demo Day іс-шарасы өтті. Бағдарлама қорытындысы бойынша сатылымдардың жалпы көлемі $28,3 мыңды құрады. Сондай-ақ Astana Hub Ventures венчурлық қорынан екі стартапқа жалпы сомасы $75 мың инвестиция тартуға soft commitment алынды.
Осыдан үш ай бұрын қатысушылар бір-бірімен енді танысып, командалар құрып, болашақ өнімдерінің идеяларын іздей бастаған еді. Бағдарлама барысында олар идеядан алғашқы расталған нәтижелерге дейінгі жолдан өтті — шешімдерін нақты міндеттерде сынап, әлеуетті клиенттерден кері байланыс алды және өздерінің AI-өнімдері негізінде бизнес-модельдерін қалыптастыра бастады.
«AI’preneurs төртінші легіне 468 өтінім келіп түсті, оның ішінен 74 қатысушыны іріктеп алдық. Үш айдың ішінде қатысушылар 16 AI-стартап құрып, алғашқы клиенттерге, пилоттық жобаларға және инвестициялық келісімдерге дейін жетті. Биыл бағдарламаны алғаш рет alem.ai алаңында өткізіп, практикалық бағытқа басымдық бердік. Бұл лек бүгінде қаншалықты көп мықты AI-мамандар мен кәсіпкерлік командалардың қалыптасып келе жатқанын тағы бір мәрте көрсетті. Сондықтан олардың идеяларын дамытуға, сараптамаға қол жеткізуге және оларды сұранысқа ие өнімдерге айналдыруға мүмкіндік беретін орта қалыптастыру аса маңызды», — деді Astana Hub бас директоры Мағжан Мадиев.
Коммерциялық нәтижелер AI’preneurs төртінші легінің негізгі көрсеткіштерінің бірі болды. $28,3 мың көлеміндегі нақты сатылымнан бөлек, командалар $56,7 мың сомасына мәмілелер бойынша уағдаластықтарға қол жеткізіп, әзірленген шешімдерге нарықта сұраныс бар екенін көрсетті.
Жобаларға деген инвестициялық қызығушылық та командалардың әлеуетін көрсетті. Astana Hub Ventures венчурлық қоры екі стартапқа жалпы сомасы $75 мың көлемінде soft commitment берді: Uniqore.ai — $25 мың, Mineral Intelligence — $50 мың.
2026 жылғы төртінші лек аясында Demo Day-де келесі жобалар таныстырылды:
- Uniqore.ai — компанияның контекстін зерттеп, қандай операцияларды автоматтандыруға болатынын анықтайтын бизнес-процестерді автоматтандыруға арналған AI-шешім.
- HOOK — wellness-жобаларды АҚШ нарығына шығаруға арналған Go-to-Market платформасы.
- CorePilot — спорт секциялары мен білім беру орталықтарындағы сатылымдарды автоматтандыруға арналған AI-құрал.
- CloneLine — түсірілім мен монтаж дағдыларын қажет етпей, вертикалды бейнеконтент жасауға арналған сервис.
- Siplinx AI — Google Meet, Zoom және Microsoft Teams платформаларындағы онлайн-кездесулерді транскрипциялауға және жазбалар жасауға арналған AI-құрал.
- Tunely — филиалдық желісі бар B2C-бизнеске арналған AI-басқарушы. Ол пікірлер мен әлеуметтік желілердегі аталымдарды талдап, білім базасын өзектендіруге және қызметкерлерді оқытуға көмектеседі.
- Mineral Intelligence — архивтік деректер негізінде геологиялық активтерді жедел бағалауға және Due Diligence жүргізуге арналған AI-платформа.
- Six7 — баланың жауаптарын талдап, қателерін анықтайтын және жеке оқу траекториясын қалыптастыратын математика бойынша бейімделген AI-репетитор.
- Barsum — балалардың кітап оқуын дамытуға арналған AI-платформа. Ол оқу және мәтінді түсіну деңгейін талдап, ата-аналар мен мұғалімдерге баланың үлгерімін бақылауға мүмкіндік береді.
- INMII — пәтер жоспары негізінде қайта жоспарлау, жиһаз орналастыру және интерьер дизайнының нұсқаларын ұсынатын AI-сервис.
- VentorMe.AI — кәсіптік бағдар беру мен университет таңдаудан бастап, құжаттарды дайындау және мерзімдерді бақылауға дейін жоғары оқу орнына түсу процесін сүйемелдеуге арналған AI-платформа.
- Quilla — бастапқы құжаттарды өңдеу мен қаржылық операцияларды автоматтандыратын қаржы менеджерлеріне арналған AI-көмекші.
- Facefitnation — бет пен денені талдауға, сондай-ақ жаттығу мен күтімнің жеке бағдарламаларын қалыптастыруға арналған AI-көмекші.
- QRown.AI — мейрамханалар мен дәмханаларға арналған жеке AI-даяшысы бар B2B SaaS-платформа. Команда alem.ai жанындағы Қазақстандағы алғашқы жасанды интеллект саласындағы peer-to-peer мектебі — Tomorrow School қатысушыларынан құралған. Олар AI’preneurs аясында бірігіп, стартап құрды.
- MYupgrade — тіркеу, электрондық рұқсаттамалар және синхронды AI-аударманы біріктіретін іскерлік іс-шараларға арналған AI-платформа. Бағдарлама аясында команда 5 млн теңгеге келісімшарт жасасты.
- Tanra AI — жоба жоспарын құрылыс алаңындағы нақты деректермен салыстырып, кешігулерді анықтауға және олардың мерзім мен бюджетке әсерін бағалауға көмектесетін құрылысты басқарудың интеллектуалды жүйесі.
«AI’preneurs бізге Barsum-ға жай ғана өнім ретінде емес, ауқымын кеңейтуге болатын бизнес ретінде қарауға көмектесті. Бағдарлама барысында негізгі гипотезаларды тексеріп, балалардың кітап оқуын дамытуға басымдық бердік, AI-құрамдасын күшейттік және өнімді қалай масштабтау керектігін әлдеқайда жақсы түсіндік. Біз үшін Demo Day — финал емес, Barsum дамуының келесі кезеңінің бастауы», — деді Barsum CPO-сы Дәулет Бешеев.
2026 жылы AI’preneurs алғаш рет alem.ai Халықаралық жасанды интеллект орталығының базасында офлайн форматта өтті. Қатысушылар тәулік бойы жұмыс істейтін коворкинг пен басқа қалалардан келген қатысушыларға арналған коливингке қол жеткізді. Бағдарлама екі бағыттан тұрды: төрт апталық Founder Lab кәсіпкерлік ойлауды дамытуға және командалар құруға арналса, он апталық Core Accelerator аясында қатысушылар MVP әзірлеп, гипотезаларды тексерді, алғашқы клиенттермен жұмыс істеп, сатылымдарға шықты.
Бағдарлама аясында командалармен кәсіпкерлер мен сарапшылар да жұмыс істеді. Олардың қатарында Илья Красинский және Arbuz.kz, Aviata мен Ticketon жобаларының негізін қалаушы Алексей Ли, сондай-ақ халықаралық нарықтарда жұмыс істеген және Y Combinator акселерациясынан өткен стартап негізін қалаушылар бар.
Анықтама үшін:
AI’preneurs — 2024 жылы іске қосылған Astana Hub-тың флагмандық акселерациялық бағдарламасы. Бұл — жасанды интеллект саласындағы стартаптарды іске қосу үшін арнайы құрылған Қазақстандағы алғашқы алаң. Бағдарлама машиналық оқыту мен бағдарламалық инженериядан бастап маркетинг пен өнім менеджментіне дейінгі түрлі салалардың мамандарын біріктіреді. Үш ай ішінде қатысушылар идея мен команда құрудан бастап өнімді нарыққа шығаруға дейінгі жолдан өтеді.
Demo Day AI’preneurs — қатысушылар өз жобаларын инвесторларға, венчурлық қорлар мен бизнес өкілдеріне таныстыратын қорытынды іс-шара.
21 тамызда alem.ai Халықаралық жасанды интеллект орталығында Astana Hub-тың AI-стартаптарды құруға және дамытуға бағытталған флагмандық акселерациялық бағдарламасы — AI’preneurs төртінші легінің Demo Day іс-шарасы өтті. Бағдарлама қорытындысы бойынша сатылымдардың жалпы көлемі $28,3 мыңды құрады. Сондай-ақ Astana Hub Ventures венчурлық қорынан екі стартапқа жалпы сомасы $75 мың инвестиция тартуға soft commitment алынды.
Осыдан үш ай бұрын қатысушылар бір-бірімен енді танысып, командалар құрып, болашақ өнімдерінің идеяларын іздей бастаған еді. Бағдарлама барысында олар идеядан алғашқы расталған нәтижелерге дейінгі жолдан өтті — шешімдерін нақты міндеттерде сынап, әлеуетті клиенттерден кері байланыс алды және өздерінің AI-өнімдері негізінде бизнес-модельдерін қалыптастыра бастады.
«AI’preneurs төртінші легіне 468 өтінім келіп түсті, оның ішінен 74 қатысушыны іріктеп алдық. Үш айдың ішінде қатысушылар 16 AI-стартап құрып, алғашқы клиенттерге, пилоттық жобаларға және инвестициялық келісімдерге дейін жетті. Биыл бағдарламаны алғаш рет alem.ai алаңында өткізіп, практикалық бағытқа басымдық бердік. Бұл лек бүгінде қаншалықты көп мықты AI-мамандар мен кәсіпкерлік командалардың қалыптасып келе жатқанын тағы бір мәрте көрсетті. Сондықтан олардың идеяларын дамытуға, сараптамаға қол жеткізуге және оларды сұранысқа ие өнімдерге айналдыруға мүмкіндік беретін орта қалыптастыру аса маңызды», — деді Astana Hub бас директоры Мағжан Мадиев.
Коммерциялық нәтижелер AI’preneurs төртінші легінің негізгі көрсеткіштерінің бірі болды. $28,3 мың көлеміндегі нақты сатылымнан бөлек, командалар $56,7 мың сомасына мәмілелер бойынша уағдаластықтарға қол жеткізіп, әзірленген шешімдерге нарықта сұраныс бар екенін көрсетті.
Жобаларға деген инвестициялық қызығушылық та командалардың әлеуетін көрсетті. Astana Hub Ventures венчурлық қоры екі стартапқа жалпы сомасы $75 мың көлемінде soft commitment берді: Uniqore.ai — $25 мың, Mineral Intelligence — $50 мың.
2026 жылғы төртінші лек аясында Demo Day-де келесі жобалар таныстырылды:
- Uniqore.ai — компанияның контекстін зерттеп, қандай операцияларды автоматтандыруға болатынын анықтайтын бизнес-процестерді автоматтандыруға арналған AI-шешім.
- HOOK — wellness-жобаларды АҚШ нарығына шығаруға арналған Go-to-Market платформасы.
- CorePilot — спорт секциялары мен білім беру орталықтарындағы сатылымдарды автоматтандыруға арналған AI-құрал.
- CloneLine — түсірілім мен монтаж дағдыларын қажет етпей, вертикалды бейнеконтент жасауға арналған сервис.
- Siplinx AI — Google Meet, Zoom және Microsoft Teams платформаларындағы онлайн-кездесулерді транскрипциялауға және жазбалар жасауға арналған AI-құрал.
- Tunely — филиалдық желісі бар B2C-бизнеске арналған AI-басқарушы. Ол пікірлер мен әлеуметтік желілердегі аталымдарды талдап, білім базасын өзектендіруге және қызметкерлерді оқытуға көмектеседі.
- Mineral Intelligence — архивтік деректер негізінде геологиялық активтерді жедел бағалауға және Due Diligence жүргізуге арналған AI-платформа.
- Six7 — баланың жауаптарын талдап, қателерін анықтайтын және жеке оқу траекториясын қалыптастыратын математика бойынша бейімделген AI-репетитор.
- Barsum — балалардың кітап оқуын дамытуға арналған AI-платформа. Ол оқу және мәтінді түсіну деңгейін талдап, ата-аналар мен мұғалімдерге баланың үлгерімін бақылауға мүмкіндік береді.
- INMII — пәтер жоспары негізінде қайта жоспарлау, жиһаз орналастыру және интерьер дизайнының нұсқаларын ұсынатын AI-сервис.
- VentorMe.AI — кәсіптік бағдар беру мен университет таңдаудан бастап, құжаттарды дайындау және мерзімдерді бақылауға дейін жоғары оқу орнына түсу процесін сүйемелдеуге арналған AI-платформа.
- Quilla — бастапқы құжаттарды өңдеу мен қаржылық операцияларды автоматтандыратын қаржы менеджерлеріне арналған AI-көмекші.
- Facefitnation — бет пен денені талдауға, сондай-ақ жаттығу мен күтімнің жеке бағдарламаларын қалыптастыруға арналған AI-көмекші.
- QRown.AI — мейрамханалар мен дәмханаларға арналған жеке AI-даяшысы бар B2B SaaS-платформа. Команда alem.ai жанындағы Қазақстандағы алғашқы жасанды интеллект саласындағы peer-to-peer мектебі — Tomorrow School қатысушыларынан құралған. Олар AI’preneurs аясында бірігіп, стартап құрды.
- MYupgrade — тіркеу, электрондық рұқсаттамалар және синхронды AI-аударманы біріктіретін іскерлік іс-шараларға арналған AI-платформа. Бағдарлама аясында команда 5 млн теңгеге келісімшарт жасасты.
- Tanra AI — жоба жоспарын құрылыс алаңындағы нақты деректермен салыстырып, кешігулерді анықтауға және олардың мерзім мен бюджетке әсерін бағалауға көмектесетін құрылысты басқарудың интеллектуалды жүйесі.
«AI’preneurs бізге Barsum-ға жай ғана өнім ретінде емес, ауқымын кеңейтуге болатын бизнес ретінде қарауға көмектесті. Бағдарлама барысында негізгі гипотезаларды тексеріп, балалардың кітап оқуын дамытуға басымдық бердік, AI-құрамдасын күшейттік және өнімді қалай масштабтау керектігін әлдеқайда жақсы түсіндік. Біз үшін Demo Day — финал емес, Barsum дамуының келесі кезеңінің бастауы», — деді Barsum CPO-сы Дәулет Бешеев.
2026 жылы AI’preneurs алғаш рет alem.ai Халықаралық жасанды интеллект орталығының базасында офлайн форматта өтті. Қатысушылар тәулік бойы жұмыс істейтін коворкинг пен басқа қалалардан келген қатысушыларға арналған коливингке қол жеткізді. Бағдарлама екі бағыттан тұрды: төрт апталық Founder Lab кәсіпкерлік ойлауды дамытуға және командалар құруға арналса, он апталық Core Accelerator аясында қатысушылар MVP әзірлеп, гипотезаларды тексерді, алғашқы клиенттермен жұмыс істеп, сатылымдарға шықты.
Бағдарлама аясында командалармен кәсіпкерлер мен сарапшылар да жұмыс істеді. Олардың қатарында Илья Красинский және Arbuz.kz, Aviata мен Ticketon жобаларының негізін қалаушы Алексей Ли, сондай-ақ халықаралық нарықтарда жұмыс істеген және Y Combinator акселерациясынан өткен стартап негізін қалаушылар бар.
Анықтама үшін:
AI’preneurs — 2024 жылы іске қосылған Astana Hub-тың флагмандық акселерациялық бағдарламасы. Бұл — жасанды интеллект саласындағы стартаптарды іске қосу үшін арнайы құрылған Қазақстандағы алғашқы алаң. Бағдарлама машиналық оқыту мен бағдарламалық инженериядан бастап маркетинг пен өнім менеджментіне дейінгі түрлі салалардың мамандарын біріктіреді. Үш ай ішінде қатысушылар идея мен команда құрудан бастап өнімді нарыққа шығаруға дейінгі жолдан өтеді.
Demo Day AI’preneurs — қатысушылар өз жобаларын инвесторларға, венчурлық қорлар мен бизнес өкілдеріне таныстыратын қорытынды іс-шара.
Бөлісу
